ပါကစ္စတန်နိုင်ငံ ကရာချိမြို့တွင် လူသတ်မှု ၃ ခုနှင့် ငွေသားလုယူမှု ၃၆ ခုအပါအဝင် တစ်ရက်အတွင်း လမ်းမပေါ်တွင် ပြစ်မှု ၁၄၀ ခန့် ဖြစ်ပွားခဲ့ကြောင်း ARY News က ဖော်ပြသည်။
ကရာချိမြို့တွင် တစ်ရက်အတွင်း လမ်းပေါ်၌ ရာဇဝတ်မှုပေါင်း ၁၄၀ ခန့် ဖြစ်ပွားခဲ့ကြောင်း နယ်မြေစစ်ဆေးရေးမှူးချုပ် (AIG) မှ ပြောရေးဆိုခွင့်ရှိသူ ဂျာဗက်အာလမ်အုဒိက ဆင်းဒ်ပြည်နယ်ဝန်ကြီးချုပ် မူရက်အလီရှားသို့ ကရာချိမှုခင်းမှတ်တမ်းအသေးစိတ်ကို တင်ပြခဲ့သည်။
မော်တော်ယာဉ် ၂ စီး နှင့် မော်တော်ဆိုင်ကယ် ၈ စီး လုယက်ခံခဲ့ရသလို မော်တော်ဆိုင်ကယ် ၈၅ စီးနှင့် မော်တော်ယာဉ် ၉ စီးမှာ ခိုးယူခံရကြောင်း အစီရင်ခံစာတွင် ဖော်ပြထားသည်။ ရာဇဝတ်မှု ကျူးလွန်သူများနှင့် ရဲအရာရှိများအကြား ပစ်ခတ်မှု ၆ ခုလည်း ဖြစ်ပွားခဲ့ကြောင်း ARY News သတင်းတွင် ဖော်ပြထားသည်။
ရာဇဝတ်မှုကျူးလွန်သူ ၁၀ ဦးကို ဒဏ်ရာရထားသည့်အနေအထားဖြင့် ဖမ်းဆီးခဲ့ပြီး သံသယရှိသူ ၆ ဦးကိုလည်း လက်ရဖမ်းမိခဲ့သည် ဟု ARY News က ဖော်ပြသည်။
လမ်းမထက်ဖြစ်ပွားသည့် ပြစ်မှု ၂၄ ခု၊ ကားခိုးမှု ၂၁ ခုနှင့် လူသတ်မှု ၃ ခုအပါအဝင် ပြစ်မှုများစွာအတွက် သံသယရှိသူ ၁၂၉ ဦးကို ဖေဖော်ဝါရီ ၃ ရက်က ၂၄ နာရီအတွင်း ဖမ်းဆီးခဲ့ပြီး သံသယရှိသူ ၁၅ ဦးထံမှ လက်နက်များ သိမ်းဆည်းရမိခဲ့သည်။
ရဲတပ်ဖွဲ့သည် တရားမဝင်လက်နက် ၂၅ လက်၊ ဆေးခြောက် ၇ ကီလိုဂရမ်၊ ခိုးရာပါ လက်ကိုင်ဖုန်း ၁၃ လုံးနှင့် မော်တော်ယာဉ် ၂၅ စီးတို့ကို သိမ်းဆည်းရမိခဲ့သည်။
ကရာချိမြို့တွင် ၂၀၂၂ ခုနှစ်က ရာဇဝတ်မှုများတွင် ပါဝင်ပတ်သက်သော ရဲဝန်ထမ်းများနှင့် အရာရှိများကို အရေးယူသည့် အမှုပေါင်း ၅၈ မှု ရှိခဲ့သည်။ ထို့ပြင် ရာဇဝတ်မှု ကျူးလွန်သူများကို နှိမ်နင်းစဉ် ရဲတပ်ဖွဲ့ဝင် ၁၀ ဦး သေဆုံးပြီး ၇၀ ဦး ဒဏ်ရာရရှိခဲ့သည်။
