ဒီဇင်ဘာလ ၂၀ ရက်
စစ်ကိုင်းတိုင်း၊ မုံရွာမြို့အရှေ့တောင်ဘက်ရှိ တောပု ပျူစောထီးကျေးရွာတွင် မူးယစ်သောက်စား ပြီး ကမ္ဘာ့ဖလားဗိုလ်လုပွဲကြည့်နေသည့် စစ်ကောင်စီတပ်နှင့် ပျူစောထီးများကို ဒေသခံပြည်သူ့ကာကွယ် ရေးတပ်ဖွဲ့များက လက်နက်ကြီးများဖြင့် ပစ်ခတ်တိုက်ခိုက်ခဲ့ကြောင်း သိရသည်။
အဆိုပါဖြစ်စဉ်သည် ဒီဇင်ဘာလ ၁၈ ရက်နေ့ ည ၉ နာရီ ၃၀ မိနစ်ခန့်တွင်ဖြစ်ပွားခဲ့ခြင်းဖြစ်ပြီး ထိခိုက် သေဆုံးမှုများရှိနိုင်ကြောင်း မုံရွာခရိုင် အမှတ်(၅)တပ်ရင်း သတင်းနှင့်ပြန်ကြားရေးက ဆိုသည်။
“ဒီတိုက်ပွဲမှာက ကျနော်တို့ လက်နက်ကြီးကို အဓိကထားသုံးပြီး တိုက်ခိုက်ခဲ့တာဖြစ်ပါတယ်။ နှစ်ဖက် အပြန်အလှန်ပစ်ခတ်မှုကြာချိန် မိနစ် ၃၀ ခန့် ရှိခဲ့တယ် ။ ကျနော်တို့ဘက်ကတော့ အထိအခိုက်မရှိခဲ့ပါဘူး ဗျ။ စစ်ကောင်စီတပ်နဲ့ပျူတွေ ဘက်ကတော့ ထိခိုက် သေဆုံးမှုတွရှိခဲ့တယ်” ဟု ၎င်းက ဆိုသည်။
ယင်းတိုက်ပွဲကို မုံရွာခရိုင် တပ်ရင်း(၅) ၊ SGF ၊ Generation Z PDF ၊ ဗန္ဓုလ နှင့် အဖွဲ့သားများ ၊ မုံရွာခရိုင် အမှတ်(၈) တပ်ရင်း ၊ မုံရွာခရိုင် အမှတ်(၉) တပ်ရင်း ၊ မုံရွာခရိုင် အမှတ် (၁၀) တပ်ရင်း ၊ Dragon Brother Force ၊ Black Wolf Defense Force နှင့် မဟာမိတ်များ ပူးပေါင်း၍ တိုက်ခိုက်ခဲ့ကြောင်း သိရသည်။
စာတည်း။ ။စောဖေ
စာမူတည်းဖြတ်။ ။စောဖေ
