ကင်ညာအစိုးရအဆက်ဆက်က ကုန်ကျစရိတ်ပိုမိုများပြားသည့် စီမံကိန်းများအတွက် ငွေပိုချေးခဲ့ရခြင်းကြောင့် တရုတ်ကြွေးမြီများ များလာကာ စီးပွားရေးအရ အရေးပေါ်အခြေအနေကာလကို ဖြတ်သန်းနေရသည်။
အင်အားကြီးမားလာသော တရုတ်က ကမ္ဘာ့စီးပွားရေးကို အန္တရယ်ပြုလာရုံသာမက စုပေါင်းကြိုးပမ်းမှုဖြင့် တန်ပြန်ရန် လိုအပ်လာနေပြီဖြစ်သည်။
အာဖရိကတိုက်၏ အဓိက လိုအပ်ချက်မှာ စီးပွားရေးကို ထိခိုက်စေမည့် အခြေအနေများနှင့် အခြေအနေမပေး သည့် ချေးငွေများပေးနေသည့် တရုတ်၏ မဟာဗျူဟာကို ကြံ့ကြံ့ခံရင်ဆိုင်ရန်ဖြစ်ကြောင်း Africa Daily က ဖော်ပြသည်။
ကင်ညာတွင် တရုတ်ကြွေးမြီများ များလာခြင်းက ဆိုးရွားသော အကျိုးဆက်အချို့ကို ဖြစ်ပေါ်စေမည်ဖြစ်သည်။ ကင်ညာကြွေးမြီ၏ ၃ပုံ ၁ပုံခန့်မှာ တရုတ်ကြွေးမြီများဖြစ်သည်။
အဆိုပါကြွေးမြီများကြောင့် အကြွေးနွံနစ်နေခြင်းနှင့် နိုင်ငံ့စီးပွားရေး ဝန်ပိနေခြင်းကြောင့် ကင်ညာတွင် တရုတ် ရင်းနှီးမြှုပ်နှံမှုများကို ပွင့်လင်းမြင်သာပြီး တာဝန်ခံမှုဆန်းစစ်ချက်များ ပြုလုပ်ရန် ပြည်သူများက တောင်းဆိုလာ ကြသည်ဟု Africa Daily က ဖော်ပြသည်။
ထိုကဲ့သို့ အခြေအနေကြောင့် နောက်ပိုင်းတွင် ကင်ညာစီးပွားရေးကို ထိခိုက်စေရုံသာမက တရုတ် ရင်းနှီးမြှုပ်နှံမှုများကို ဆန့်ကျင် မှုများ သာမန်ပြည်သူလူထုတွင် ဖြစ်ပေါ်လာကြောင်း Africa Daily က ဖော်ပြခဲ့သည်။
အလွန်အကျွံချေးငွေများသည် ယခုအခါ ကင်ညာစီးပွားရေးအပေါ် ဆိုးရွားသော အကျိုးဆက်များ ရှိနေသည်ဟု Africa Daily က ဖော်ပြခဲ့သည်။
သဘောတူညီချက်၏ ကဏ္ဍအားလုံးကို လူသိရှင်ကြား ထုတ်ပြန်ခြင်းမပြုသော်လည်း တရုတ်က ယင်းကဲ့သို့ ချေးငွေအများအပြားပေးထားသည့် စီမံကိန်းများအတွင်း ပိုင်ဆိုင်မှုသိမ်းဆည်းရမိသည့် အပိုဒ်များကို ထည့်သွင်း ထားမည်ဖြစ်သည်။