ပါကစ္စတန်သည် တရုတ်-ပါကစ္စတန်စီးပွားရေးစင်္ကြံ (CPEC) စီမံကိန်းများအတွက် ရင်းနှီးမြှုပ်နှံမှုအသစ်များကို ဆက်မျှော်လင့်နေသော်လည်း တရုတ်က ပါကစ္စတန်၏ ကြွေးမြီကတိပြင်ဆင်ရေး တောင်းဆိုမှုကို အလွန်သတိထားလိမ့်မည်ဖြစ်ကြောင်း Inside Over သတင်းတွင် ဖော်ပြထားသည်။

ပါကစ္စတန် ဝန်ကြီးချုပ် ရှက်ဘက်ဇ်ရှာရစ်သည် တရုတ်နိုင်ငံသို့ ၂ ရက်ကြာ ခရီးစဉ်သွားရောက်ခဲ့ပြီး တရုတ်-ပါကစ္စတန် စီးပွားရေးစင်္ကြန် (CPEC) ဆိုင်ရာ ပူးပေါင်းဆောင်ရွက်မှု တိုးမြှင့်ရေးအတွက် သမ္မတ ရှီကျင့်ဖျင်နှင့် တွေ့ဆုံခဲ့သည်။

နှစ်နိုင်ငံခေါင်းဆောင်များသည် စီးပွားရေးကဏ္ဍအတွက် ကျယ်ပြန့်သော ပူးပေါင်းဆောင်ရွက်မှုများကို ဆွေးနွေးခဲ့ကြပြီး ဒေသတွင်းနှင့် ကမ္ဘာလုံးဆိုင်ရာ ဖွံ့ဖြိုးတိုးတက်မှုများအပေါ် အမြင်ချင်းဖလှယ်ခဲ့ကြသည်။ သို့သော် ပါကစ္စတန်၏ ဆိုးတူကောင်းဖက်ဖြစ်သော တရုတ်သည် ပါကစ္စတန်နှင့် ကြွေးမြီသဘောတူညီချက်ပြင်ဆင်ရေးနှင့်ပတ်သက်ပြီး စိုးရိမ်ကြောင့်ကြမှုများ ရှိနေသည်။ တရုတ်သည်

ယခုနှစ်အစောပိုင်းက အမေရိကန်ဒေါ်လာ ၁ ဘီလီယံတန်ဖိုးရှိ ကြွေးမြီသဘောတူညီချက်ကို ပြင်ဆင်ခဲ့ပြီးဖြစ်သည်။

ပါကစ္စတန်သည် တရုတ်နှင့် ၎င်း၏ နှစ်နိုင်ငံ ကြွေးမြီသဘောတူညီချက်ပြင်ဆင်လိုသည်။ ပါကစ္စတန်ကြွေးမြီမှာ တရုတ်ကြွေးမြီ အမေရိကန်ဒေါ်လာ ၉ ဒသမ ၇ ဘီလီယံ အပါအဝင် စုစုပေါင်း ဒေါ်လာ ၂၀ ဒသမ ၃ ဘီလီယံရှိသည်။ ပါကစ္စတန်၏ တရုတ်ကြွေးမြီမှာ နိုင်ငံခြားကြွေးမြီ ၃၀ ရာခိုင်နှုန်းရှိကြောင်း နိုင်ငံတကာ ငွေကြေးရန်ပုံငွေအဖွဲ့ (IMF) က ပြောသည်။

ပါကစ္စတန်အတွက် တရုတ်၏ ချေးငွေမှာ IMF ထက် ၃ ဆပိုများပြီး ကမ္ဘာ့ဘဏ်နှင့် အာရှဖွံ့ဖြိုးရေးဘဏ် နှစ်ခုပေါင်းအကူအညီထက် များစွာပိုသည်။

သို့သော် ပါကစ္စတန် တရုတ်၏ ကြွေးမြီ သံခင်းတမန်ခင်းနှင့်ဆက်စပ်နေရသော သီရီလင်္ကာနိုင်ငံကဲ့သို့ စီးပွားရေး အကျပ်အတည်းတွေ့လာနိုင်ကြောင်း ကမ္ဘာတစ်ဝန်းမှ ကျွမ်းကျင်ပညာရှင်များက ပြောသည်။

ရှာရစ်နှင့်အဖွဲ့သည် ကြွေးမြီကတိကတတ်ပြင်ဆင်မှုနှင့်ပတ်သက်၍ ကြီးစွာသောစိတ်ပျက်စရာများနှင့် ကြုံတွေ့ရနိုင်သည်။ တရုတ်နိုင်ငံသည် ကြွေးမြီကိစ္စများနှင့်ပတ်သက်၍ သေချာပေါက် တင်းတင်းကျပ်ကျပ် ညှိနှိုင်းဆောင်ရွက်နိုင်သည်။