လပွတ္တာ၊ဖေဖော်ဝါရီ ၂၉ ။ ။ လပွတ္တာမြို့တွင် မီးလောင်သည့် အမှတ် ၁၊ ၄၊ ၅ ရပ်ကွက်များတွင် မလိုလားအပ်သည့် ပြဿနာများမဖြစ်ပွားစေရန် အတွက် ပုဒ်မ-၁၄၄ ထုတ်ပြန်လိုက်ကြောင်း မြို့နယ်အထွထွေ အုပ်ချုပ်ရေးဦးစီးဌာနက ဖေဖော်ဝါရီ ၂၈ ရက်နေ့တွင် ထုတ်ပြန်ခဲ့သည်။
မီးလောင်မြေနေရာချထားရေးကော်မတီနှင့် နေအိမ်ပိုင်ရှင်များအကြားတွင်လည်းကောင်း၊မီးဘေးသင့်အိမ်ရှင်များအချင်းချင်းကြားတွင် သဘောထားများကွဲလွဲ၍ငြင်းခုန်၊ဆန်ကျင့်ကန့်ကွက်ခြင်းများ ခွင့်ပြုချက်တောင်းခံခြင်းမရှိဘဲ အဆောက်အဦးများပြင်ဆင်ဆောက်လုပ်ခြင်းများဖြစ်ပွားနေသည့်အတွက် ထုတ်ပြန်ရခြင်းဖြစ်ကြောင်းဖော်ပြထားသည်။
"အိမ်ရှင်အိမ်ဌားပြဿနာတွေကြောင့်ထုတ်ပြန်တာ စနေနေ့ညက လိုက်ကြေငြာတယ်၊အဆောက်အဦးဆောက်လုပ်တာတွေအတွက်ပက်သက်ပြီး ထုတ်ပြန်တာဖြစ်ကြောင်း မြို့ခံဦးအောင်ကျော်စိုး ပြောသည်။
ပြန်လည်ထူထောင်ရေးဆိုင်ရာ အစီအမံများအား ဥပဒေအရတာဝန်ပေးအပ်ထားသောအဖွဲ့အစည်းများ၏ ခွင့်ပြုချက်မရရှိဘဲ ဆောင်ရွက်ခြင်းသည် သဘာဝဘေးအန္တရာယ်စီမံခန့်ခွဲမှုဆိုင်ရာ ဥပဒေအား ဖောက်ဖျက်ကျူးလွန်ခြင်းဖြစ်ကြောင်း ထုတ်ပြန်ချက်တွင်ဖော်ပြထားသည်။
"အိမ်ပိုင်ရှင်တွေနဲ့ကော်မတီညှိုင်းလိုမရလို့ထုတ်ပြန်တာမြို့မိမြို့ဖအာဏာပိုင်အဖွဲ့အစည်းတွေနဲ့ဘယ်လိုဆောက်မယ် အိမ်မြေနေရာခွဲတမ်းချထားတာ ညှိနှိုင်းလိုမရဘူးဖြစ်နေတယ်၊ကောင်းတာ ကဥပဒေမထုတ်ပြန်ရင်အခက်အခဲတွေရှိနိုင်တယ်။" ဟု ဂဏန်းလုပ်ငန်းရှင် ဥက္ကဌဦးကျော်ဌေးက မဇ္ဈိမသို့ပြောသည်
လပွတ္တာမြို့တွင် ဖေဖော်ဝါရီ ၄ရက်နေ့ ညက အမှတ် ၁၊ ၄၊ ၅၊ ရပ်ကွက်များမှ မီးလောင်မှုကြောင့် အိမ် ၁၉၉ လုံးစုစုပေါင်းမီးဘေးသင့်ခဲ့ပြီး၊တန်ဖိုး ၃၂၇ သန်းဝန်ကျင် ဆုံးရှုံးခဲ့သည်။
