နိုင်ငံအတွင်း အမျိုးသမီးများကို ကြမ်းဖက်မှုကြောင့် အမျက်ဒေါသထွက်စေခဲ့သော ဖြစ်ရပ်ဖြစ်သည့် အမျိုးသမီးအုပ်စု အား ကိုယ်ထိလက်ရောက်တိုက်ခိုက်မှုမှ သံသယရှိသူ ၂၈ ဦးကို ရာဇဝတ်မှုဖြင့် တရားစွဲဆိုလိုက်ကြောင်း တရုတ်အစိုးရရှေ့နေများက ဩဂုတ် ၂၉ ရက်တွင် ပြောသည်။
ပေကျင်းမြို့တော်အရှေ့ဘက် တန်ရှန်းရှိ အသားကင်ဆိုင်တွင် အမျိုးသမီး ၄ ဦးကို အမျိုးသားအုပ်စုတစ်စုက ရိုက်နှက်သည့် ဗီဒီယိုဖိုင်သည် အွန်လိုင်းပေါ်တွင် ပျံ့နှံ့သွားခဲ့ကာ တရုတ်နိုင်ငံတွင် အမျိုးသမီးများအပေါ် အကြမ်းဖက်မှုနှင့် ပတ်သက်၍ ငြင်းခုံဆွေးနွေးမှုများ ပြန်လည်ပေါ်ပေါက်လာသည်။
ဟဲပေပြည်နယ်မှ အစိုးရရှေ့နေများက ယုံကြည်စိတ်ချရပြီး လုံလောက်သည့် သက်သေအထောက်အထားများ ရရှိပြီးနောက် တိုက်ခိုက်မှုတွင် တိုက်ရိုက်ပါဝင်ပတ်သက်သူ ၇ ဦးအပါအဝင် သံသယရှိသူများကို ဥပဒေကြောင်းအရ တရားစွဲဆိုမှု စတင်မည်ဖြစ်ကြောင်း ပြောသည်။
Weibo၌ တင်ထားသော အဆိုပါထုတ်ပြန်ချက်တွင် ရာဇဝတ်မှုစွဲချက်အဖြစ်သတ်မှတ်ဖော်ပြထားခြင်းမရှိပေ။
အဆိုပါအကြမ်းဖက်တိုက်ခိုက်မှုအပြီးတွင် တန်ရှန်အာဏာပိုင်များသည် မြို့တော်ဒုတိယရဲချုပ်နှင့် အခြားရဲအရာရှိ ၅ ဦးကို ထုတ်ပယ်ခဲ့ကာ ရာဇဝတ်မှုများအား နှိမ်နင်းရန်လည်း လုပ်ဆောင်ခဲ့သည်။
အမျိုးသားကြီးစိုးသောအဖွဲ့အစည်း၏ ဖိအားများ၊ ကျယ်ပြန့်သောဆင်ဆာဖြတ်မှုများနှင့် တရားခံများအတွက် ဥပဒေအရထောက်ခံမှု ကောင်းကောင်းမရသည့်ကြားမှ အမျိုးသမီးဝါဒ ဆွေးနွေးမှုအကြောင်း ကြီးထွားလာသည်။
သို့သော် ၎င်းတိုက်ခိုက်မှုအား ကျား/ မအခြေု အကြမ်းဖက်မှု၏ ကြီးမားသော လက္ခဏာအဖြစ် အွန်လိုင်း၌ ရှုတ်ချပြောဆိုခြင်းများကို ဆင်ဆာဖြတ်တောက်ထားသည်။
တိုက်ခိုက်ခံရမှုပြီးနောက် အမျိုးသမီး ၂ ဦးကို ဆေးရုံတင်ခဲ့ရပြီး တခြား ၂ ဦးမှာ မစိုးရိမ်ရသည့် ဒဏ်ရာများ ရရှိထားကြောင်း အာဏာပိုင်များက ပြောသည်။
တရုတ်နိုင်ငံတွင် အိမ်တွင်းအကြမ်းဖက်မှုများမှာ နေရာအနှံ့ရှိပြီး တိုင်ကြားမှုများ မရှိကြောင်းနှင့် ထင်ရှားသော အမျိုးသမီးရေးဝါဒီများသည် ရဲများ၏ နှောင့်ယှက်မှုနှင့် ထိန်းသိမ်းမှုကို ပုံမှန်ကြုံတွေ့နေရသည်။
