တရုတ်ပြည်သူ့လုံခြုံရေး ဒုဝန်ကြီးဟောင်း ဆွန်လီကျန်းသည် ၁၀ စုနှစ် နှစ်ခုနီးပါးအတွင်း လာဘ်ငွေ ယွမ် ၆၄၆ သန်း (ဒေါ်လာ ၉၆ ဒသမ ၃ သန်း) ယူခဲ့ကြောင်း စွပ်စွဲခံထားရကာ ဇူလိုင် ၈ ရက်က ရုံးတင်စစ်ဆေးခံနေရသည်။
ဆွန်လီကျန်းသည် အစိုးရရာထူးများကို ရောင်းစားခြင်း၊ စတော့စျေးနှုန်းများကို ကြိုးကိုင်ခြင်းနှင့် သေနတ်များကို တရားမဝင် လက်ဝယ်ထားရှိမှု စွပ်စွဲချက်များနှင့် ရင်ဆိုင်နေရပြီး နှစ်ပေါင်းများစွာအတွင်း အထင်ရှားဆုံး အကျင့် ပျက်ခြစားမှုများထဲမှ တစ်ခုဖြစ်သည်။
ဆွန်ကျန်းလီသည် ကိုဗစ်-၁၉ ကပ်ရောဂါကာလအတွင်း ရာထူးစွန့်လွှတ်မှုအတွက် အပြစ်ရှိကြောင်း နိုင်ငံ အရှေ့မြောက်ပိုင်း ချန်းချန်မြို့ရှိ တရားရုံးတစ်ခုတွင် ပြုလုပ်သည့် ရုံးတင်စစ်ဆေးမှုတွင် ဝန်ခံခဲ့သည်ဟု နိုင်ငံပိုင်ရုပ်သံ CCTV က ထုတ်လွှင့်ခဲ့သည်။
မည်သည့်အချိန်တွင် စီရင်ချက်ချမည်ကို ရှင်းရှင်းလင်းလင်း မသိရသေးပေ။ တရုတ်နိုင်ငံ၏ တရားရုံးများသည် ပြစ်ဒဏ်စီရင်မှုနှုန်း ၉၉ ရာခိုင်နှုန်းကျော်ရှိသည်။ ဆွန်၏ ပြစ်မှုများသည် ဆိုးရွားကြောင်း ရှေ့နေများက မှတ်ချက်ပြုထားသဖြင့် နှစ်ရှည်ထောင်ဒဏ်ချမှတ်ခံရဖွယ်ရှိသည်။
တရုတ်ကွန်မြူနစ်ပါတီအကြီးအကဲ သမ္မတရှီကျင့်ဖျင်သည် အကျင့်ပျက်ခြစားမှုကို တိုက်ဖျက်သည့် လှုပ်ရှားမှုကို ဆယ်စုနှစ်ကြာ လုပ်ဆောင်ခဲ့ကာ တာဝန်ထမ်းဆောင်ဆဲနှင့်အငြိမ်းစား အဆင့်မြင့်အရာရှိများစွာကို ထောင်ချောက်ဆင်ဖမ်းခဲ့ပြီး အချို့က ထိုအရွေ့ကို နိုင်ငံရေးအရကြိုးပမ်းအားထုတ်မှုအဖြစ် ရှုမြင်ကြသည်။
ဆွန်လီကျန်းသည် ပါတီ၏မူဝါဒများကို အခြေအမြစ်မရှိ ဝေဖန်ပြီး နိုင်ငံရေးကောလာဟလဖြန့်လျက် အစွန်းရောက် သောနိုင်ငံရေးရည်မှန်းချက်နှင့် ညံ့ဖျင်းသောနိုင်ငံရေးဂုဏ်သိက္ခာသာရှိသည်ဟု စွပ်စွဲခံရပြီး ယမန်နှစ်က ပါတီမှ ထုတ်ပယ်ခံခဲ့ရသည်။
