တရုတ်က ဂွါဒါနှင့် ဟမ်ဘန်တိုတာတွင် ဆိပ်ကမ်းများ တည်ဆောက်ပြီးနောက် အိန္ဒိယသမုဒ္ဒရာကို စိုးမိုးရန် ကြိုးပမ်းနေပြီး မကြာမီ မြန်မာနိုင်ငံရှိ ဆိပ်ကမ်းများမှ အိန္ဒိယသမုဒ္ဒရာသို့ သွားလာနိုင်တော့မည်ဖြစ်သည်။
တရုတ်က ရန်ကုန်ဆိပ်ကမ်းမှ တရုတ်နိုင်ငံ ယူနန်ပြည်နယ်အထိ ကုန်တင်ကုန်ချရထားအောင်မြင်စွာ ပြေးဆွဲ နိုင်ခဲ့သည်။
ခါးပတ်လမ်းရပ်ဝန်းစီမံကိန်း၏ အစိတ်အပိုင်းတစ်ခုဖြစ်သည့် ယူနန်ပြည်နယ်မှ မြန်မာနိုင်ငံအနောက်ဘက်ပိုင်းရှိ အိန္ဒိယသမုဒ္ဒရာဆိပ်ကမ်းဖြစ်သော ကျောက်ဖြူဆိပ်ကမ်းပါဝင်သည့် တရုတ်-မြန်မာစီးပွားရေးစင်္ကြံ(CMEC) သည် တရုတ်၏ ရည်မှန်းချက်ကို ဖြည့်ဆည်းပေးခဲ့သည်။
တရုတ်၏ ယူနန်ပြည်နယ်ကို မြန်မာ၏ အနောက်ဘက်ကမ်းရိုးတန်းနှင့် ချိတ်ဆက်ရန် ဒီဇိုင်း ထုတ်ထားသည့် အခြေခံအဆောက်အအုံစီမံကိန်းများစွာအတွက် CMEC သည် အခရာဖြစ်ပြီး နှစ်ဖက်စလုံးအတွက် ထိပ်တန်း ဦးစားပေးအဖြစ် ဆက်လက်တည်ရှိနေသည်။
တရုတ်ရေတပ် (PLAN) ကဘင်္ဂလားပင်လယ်အော်တွင် အိန္ဒိယအား စောင့်ကြည့်ရန် CMEC က အခွင့်အရေး ပေးမည်ဖြစ်သည်။
မလက္ကာရေလက်ကြားကို တရုတ်ရေနံတင်ပို့မှုများကိုလည်း ရှောင်ရှားနိုင်မည်ဖြစ်သည်။
အမေရိကန်နှင့် အိန္ဒိယတို့သည် အိန္ဒိယသမုဒ္ဒရာကို တရုတ်အသုံးချခြင်းမှ တားဆီးရန် တူညီသော အကျိုး စီးပွားရှိနေသည်။
၂၀၃၀ ပြည့်နှစ်တွင် အိန္ဒိယသမုဒ္ဒရာကို ထိန်းချုပ်ရန် တရုတ်တွင်လုံလောက်သော အဓိကသင်္ဘောကြီး ၆၇ စင်းနှင့် နျူကလီးယားစွမ်းအင်သုံး ရေငုပ်သင်္ဘောသစ် ၁၂ စင်း ရှိလာမည်ဟု အမေရိကန်ရေတပ် ထောက်လှမ်းရေးက ပြောကြားခဲ့သည်။
တရုတ်က ရေတပ်ကို အင်အားဖြည့်တင်းနေသလို၂၀၃၀ပြည့်နှစ်တွင် ပင်လယ်ပြင်ကို ထိန်းချုပ်နိုင်ပြီး ၂၀၄၉ခုနှစ်တွင် ကမ္ဘာ့အင်အားအကြီးဆုံးရေတပ်အဖြစ် အမေရိကန်ရေတပ်နေရာကို အစားထိုးမည် ဖြစ်သည်။
