တရုတ်နိုင်ငံအနောက်မြောက်ပိုင်း ရှင်ကျန်းပြည်နယ်ရှိ တက္ကသိုလ်တစ်ခုမှ ဝီဂါကျောင်းဆရာ အယောက် ၂၀ ဖမ်းဆီးခံထားရကြောင်း RFA သတင်း၌ ဖော်ပြထားသည်။

အဖမ်းခံရသည့် ဝီဂါကျောင်းဆရာ ၂၀ ဦးတွင် မာ့စ်ခ်ဝါဒီတက္ကသိုလ်မှ တရုတ်ကွန်မြူနစ်ပါတီ အတွင်းရေးမှူးလည်း ပါဝင်ကြောင်း ဂူလ်ဂျာမြို့မှ သတင်းရင်းမြစ်ကို ကိုးကား၍ RFA က ဖော်ပြသည်။

မာ့စ်ခ်ဝါဒီအင်စတီကျုမှ အဗ္ဗဒူလာအစ္စမေလ်အပါအဝင် ဆရာ ၆ ဦးသည် အကျဉ်းစခန်းတွင် ထိန်းသိမ်း ခံထားရသည်။ အဗ္ဗဒူလာအစ္စမေလ်သည် ၂၀၁၈ က ပြန်ပေးဆွဲခံရပြီး လှည့်ဖျားမှုဖြင့် တရားစွဲဆိုခံထားရသည်။

အဗ္ဗဒူလာအား အကျင့်ပျက်ခြစားမှု သို့မဟုတ် ပါတီအပေါ် သစ္စာမဲ့မှုဟူသော ပြစ်ချက်များဖြင့် တရုတ်ကွန်မြူနစ် ပါတီက စွဲဆိုထားကြောင်း RFA က ဆိုသည်။

အစ္စမေလ်သည် Ili Gazette သတင်းစာအပါအဝင် သတင်းစာနှင့်မဂ္ဂဇင်းများစွာတွင် မာ့စ်ခ်ဝါဒီသီအိုရီအကြောင်း သုတေသနစာတမ်းများစွာ ရေးခဲ့သည်။

တရုတ်က ဝီဂါများအပေါ် ဖြိုခွင်းမှု အရှိန်မြှင့်လာသည့် ၂၀၁၇ ခုနှစ်တွင် အစ္စမေလ်သည် သံသယရှိသူစာရင်း၌ ပါဝင်ခဲ့သည်။

အစ္စမေလ်သည် ရာဇဝတ်မှုစွဲချက်များစွာဖြင့် တရားစွဲဆိုခံထားရကြောင်း RFA ၌ ဖော်ပြထားသည်။