တရုတ်နိုင်ငံတွင် ကိုဗစ်-၁၉ ဖြစ်ပွားမှု များပြားလာချိန်တွင် အစိုးရသည် သေဆုံးရသည့်အကြောင်းရင်းကို ဖုံးကွယ်ထားခြင်းဖြင့် အမှန်တကယ်သေဆုံးမှုအရေအတွက်ကို ဖုံးကွယ်ရန် ကြိုးစားလျက်ရှိသည်။
တစ်စုံတစ်ဦးသည် ကိုဗစ်-၁၉ ရောဂါကူးစက်ပြီးနောက် သေဆုံးသွားသော်လည်း သေဆုံးချိန်တွင် ဥပမာအားဖြင့် ကင်ဆာ ၊ နှလုံးရောဂါနှင့် ဆီးချိုရောဂါများရှိနေပါက တရုတ်ဆေးရုံများသည် သေဆုံးမှုကို ကိုဗစ်ကြောင့်ဟု မသတ်မှတ်ပဲ ထိုအစား နာတာရှည်ရောဂါကြောင့်ဟုသာ မှတ်တမ်းတင်ကြကြောင်း Taiwan News က ဖော်ပြသည်။
“အရေအတွက်က မတိကျပေမယ့် ရှန်ဟိုင်းဆေးရုံတွေဟာ ဒါကို တမင်တကာ လုပ်တာတော့မဟုတ်ပါဘူး။ အစကတည်းက တရုတ်က ဒီနည်းနဲ့ပဲ မှတ်တမ်းတင်တာပါ” ဟု ဟောင်ကောင်တက္ကသိုလ်မှ ဗိုင်းရပ်စ်ဗေဒပညာရှင် ဂျင်ဒေါင်ယန်းက ချွတ်ယွင်းသောစနစ်ကို အတည်ပြုခဲ့သည်။
မတ်လ ၁ ရက်မှစ၍ တရုတ်နိုင်ငံတွင် ရောဂါကူးစက်သူ ၄၄၃ ၀၀၀ ဦးရှိသည့်အနက် ၂ ဦးမျှသာ သေဆုံးကြောင်း မှတ်တမ်းတင်ထားပြီး ထို ၂ ဦးစလုံးမှ မြောက်ကိုရီးယားနှင့် နယ်နိမိတ်ချင်းထိစပ်နေသော ကျီလင်းပြည်နယ်မှ ဖြစ်သည်။ သို့သော် ရှန်ဟိုင်းမှ ဆွေမျိုးများသည် ရောဂါကူးစက်ခံရပြီးနောက် သေဆုံးသွားကြကြောင်း ဒေသခံများက Financial Times ကို ပြောကြောင်း Taiwan News သတင်းတွင် ဖော်ပြသည်။
တရုတ်အာဏာပိုင်များ၏ သေဆုံးမှုစာရင်းကို အမျိုးအစားခွဲခြားသည့်ပုံစံကြောင့် မှတ်တမ်းတင်မှုကွာဟရခြင်း ဖြစ်သည်။ ကိုဗစ်-၁၉ ကူးစက်သူများအကြား သေဆုံးရသည့်အကြောင်းရင်းကို ရည်ညွှန်းသော တရုတ်နည်းပညာသည် နောက်ဆုံးအိုမီခရွန်လှိုင်းကြောင့် သေဆုံးမှုအစစ်အမှန်ကို ဖုံးကွယ်ထားခြင်းဖြစ်ကြောင်း Financial Times နှင့်တွေ့ဆုံမေးမြန်းခန်းဖြေဆိုခဲ့သော ကျန်းမာရေးကျွမ်းကျင်ပညာရှင်များက ပြောသည်။
ကိုဗစ်-၁၉ စံချိန်တင်ဖြစ်ပွားမှုသည် အစိုးရကိုယ်တိုင်လုပ်ဆောင်သည့် နိုင်ငံ့အကျပ်အတည်း ဖြစ်လာနိုင်စေသည့် ခြိမ်းခြောက်မှုများရှိနေသောကြောင့် တရုတ်နိုင်ငံတစ်လွှားတွင် မြို့များနှင့် ဒေသခံများကို အသွားအလာကန့်သတ်ထားသလို ထောက်ပံ့ရေးကွင်းဆက်များလည်း အပြတ်တောက်လျက်ရှိပြီး အခြေခံကုန်ပစ္စည်းများ စီးဆင်းနိုင်စေရန် တာဝန်ရှိသူများက ရုန်းကန်နေကြရသည်။
အာဏာပိုင်များသည် ကူးစက်မြန်သော အိုမီခရွန်မျိုးကွဲပျံ့နှံ့မှုကို တားဆီးရန် မဆုတ်မနစ်ကြိုးစားရင်း တရုတ်နိုင်ငံ မြို့ကြီး ၄၄ မြို့ထက်မနည်းကို အပြည့်အဝ သို့မဟုတ် တစ်စိတ်တစ်ပိုင်းအားဖြင့် အသွားအလာပိတ်ဆို့ထားသည်။
