“ဒီပုံစံအတိုင်း ဆက်သွားရင် ကျွန်တော်တို့ ငတ်ပြီးသေရုံပဲ ရှိတော့မယ် ”
စစ်ကောင်စီ၏ မြေပြင်၊ ဝေဟင် ပူးပေါင်း ထိုးစစ်ဆင်မှုကို ခံနေရသည့် ကရင်နီပြည်တွင် စစ်ဘေးရှောင်ဦးရေ ၁၉၀,၀၀၀ ကျော်လာပြီ ဖြစ်သည်။
နေ့စဉ်ရက်ဆက် ဖြစ်ပွားနေသော တိုက်ပွဲများကြောင့် စစ်ဘေးရှောင်များထပ်မံ တိုးလာသည်။
အဆိုပါ အခြေအနေတွင် စစ်ကောင်စီ၏ ဖြတ်လေးဖြတ် စီမံချက်များကြောင့် စားနပ်ရိက္ခာနှင့် သောက်သုံးရေ အခက်အခဲများ ကြုံတွေ့လာရ ပြန်သည်။
စစ်ရှောင် ၆၀ ရာခိုင်နှုန်းသည် မသန့်ရှင်းသည့်ချောင်းရေများကိုသာ သောက်သုံးနေရကြောင်း ကရင်နီပြည်နယ် စစ်ဘေးရှောင် ကူညီစောင့်ရှောက်ရေး ကွန်ရက် တာဝန်ရှိသူကပြောသည်။
စစ်ဘေးရှောင်များ လက်ရှိကြုံတွေ့နေရသည့်အခြေအနေနှင့် ပတ်သက်၍ အဆိုပါကွန်ရက် တာဝန်ရှိသူကို မဇ္ဈိမက ဆက်သွယ်မေးမြန်းထားသည်။
