ဟောင်ကောင်အုပ်ချုပ်ရေးမှူးသည် ပြင်းထန်သော တစ်ဦးနှင့်တစ်ဦး ခပ်ကွာကွာနေရေးဆိုင်ရာ ကန့်သတ်ချက်များကို ပြန်လည် သုံးသပ်ရန် ကတိပြုထားသော်လည်း မတ်လ ပထမလဝက်တွင် ဟောင်ကောင်မှ ထွက်ခွာသူ ၅၀,၅၀၅ ဦးရှိခဲ့ပြီး ယင်းကဲ့သို့ အများအပြား ထွက်ခွာမှုသည် ရပ်တန့်သွားမည့် အရိပ်လက္ခဏာမရှိပေ။
ဟောင်ကောင်သို့ ဝင်ရောက်သူထက် ထွက်ခွာသူဦးရေ ပိုများကြောင်း ပြသသည့် စုစုပေါင်းထွက်ခွါသူဦးရေ မှာ မတ်လ ၁ ရက်မှ ၁၅ ရက်အတွင်း ၄၃၂၀၀ ရှိကြောင်းလူဝင်မှုကြီးကြပ်ရေးဌာန၏ နောက်ဆုံးစာရင်း ဇယားများအရ သိရသည်။
မတ်လ ၁ ရက်မှ ၁၅ ရက်အထိ ၅၀,၅၀၅ ဦးရှိပြီး ယခင်လအလားတူကာလတွင်ထွက်ခွာသူ ၄၄,၈၂၅ ဦး နှိုင်းယှဉ်ပါက ၁၂ ဒသမ ၆ ရာခိုင်နှုန်း မြင့်တက်ခဲ့သည်။
ဖေဖော်ဝါရီလတွင် ထွက်ခွာသွားသူ ၇၁,၃၅၄ ဦးရှိပြီး ဒီဇင်ဘာလနှောင်းပိုင်းတွင် မြို့တော်သို့ ကိုရိုနာဗိုင်းရပ်ပဉ္စမလှိုင်းဝင်ရောက်ပြီးနောက် အမြင့်ဆုံးဖြစ်သည်။
ယခုနှစ်တွင် အများဆုံးထွက်ခွာမှုမှာ မတ် ၆ ရက်ကဖြစ်ကာ ၅,၀၈၂ ဦး ရှိသည်။
ဟောင်ကောင်အုပ်ချုပ်ရေးမှူး ကာရီလမ်းက အစိုးရအနေဖြင့် လက်ရှိအစီအမံများကို သက်တမ်းဝက်ပြန်လည်သုံးသပ်ခြင်း ပြုလုပ်ရန် အချိန်တန်ပြီဖြစ်ကြောင်း မတ်လ ၁၇ ရက်က ပြောကြားခဲ့သည်။
အသစ်ရောက်ရှိလာသူများကို ၁၄ ရက်ကြာ သီးသန့်ခွဲထားမှု၊ ဗြိတိန်နှင့် အမေရိကန်အပါအဝင် နိုင်ငံ ၉ နိုင်ငံမှ လေယာဉ်ခရီးစဉ်များ ပိတ်ပင်ထားမှုနှင့် လူကိုယ်တိုင်တက်ရောက်သည့်အတန်းများ ဆိုင်းငံ့ထားမှုတို့ကို ဖြေလျှော့နိုင်မည်ဖြစ်ကြောင်း ကာရီလမ်းက အရိပ်အမြွက် ပြောကြားခဲ့သည်။
