ပထမပိုင်း ပွဲကစားချိန်တွေကတော့ ပြီးဆုံးတော့မယ် ခင်ဗျာ။ အဲဗာတန်အသင်းက ပိုပြီး ဖိအားပေးကစားနေတယ်ဆိုပေမယ့် နှစ်သင်းစလုံးက အခွင့်အရေးတွေ ထိထိရောက်ရောက် မရကြသေးပဲ ဂိုးဧရိယာအပြင်က ကန်ချက်တွေနဲ့သာ သွေးတိုးစမ်းနေခဲ့ကြရတာပါ။

အာဆင်နယ်အသင်းက တန်ပြန်တိုက်စစ်တွေကနေပဲ ထိုးဖောက်ဖို့ ကြိုးစားနေရပြီး နယ်လ်ဆင် ပွဲထွက်လာတဲ့ ညာခြမ်းတိုက်စစ်ကတော့ အသက်မဲ့နေဆဲပဲ ခင်ဗျာ။ နည်းပြ ယွန်းဘတ်အတွက်တော့ လာကာဇက် ကို အရန်ခုံမှာထားပြီး နယ်လ်ဆင် ကို ပွဲထုတ်ခဲ့တဲ့အပေါ် မေးခွန်းထုတ်ရမလို ဖြစ်ခဲ့တာပါ။ အဲဗာတန်ကတော့ အတွေ့အကြုံနည်းတဲ့ အာဆင်နယ် လူငယ်ကစားသမားလေးတွေအပေါ် သက်သောင့်သက်သာ ဖိအားပေးနေခဲ့ပါတယ်။