ဖေဖော်ဝါရီ ၁၅
ထားဝယ်ခရိုင်၊ လောင်းလုံးတွင် မြို့နယ်လုံး ဆိုင်ရာ အခြေခံပညာ ကျောင်းသားများ သမဂ္ဂမှ ဦးဆောင်ကာ ဒေသခံ ပြည်သူများ စုပေါင်းပြီး ယနေ့ ဖေဖော်ဝါရီလ ၁၅ ရက် နံနက်ပိုင်းက စစ်အာဏာရှင် ဆန့်ကျင်ရေး ဆန္ဒပြခဲ့ကြောင်း ဦးဆောင် လှုပ်ရှားသူများထံမှ သိရသည်။
တနင်္သာရီတိုင်း၊ လောင်းလုံးမြို့နယ်တွင် စစ်အာဏာရှင် ဆန့်ကျင်ရေး လှုပ်ရှားမှုများ နေ့စဉ်နီးပါး ပြုလုပ်နေပြီး ယနေ့ နံနက်ပိုင်းတွင် "ချုပ်ချယ်ရင်း ရုန်းကန်၊ ဖိနှိပ်ရင် တွန်းလှန်၊ တိုက်ပွဲအောင်လံ ထူကြ၊ လွှင့်ကြ" ဘန်နာ ကိုင်စွဲကာ စစ်အာဏာရှင်ကို သပိတ်မှောက် ဆန္ဒပြခဲ့သည်။
