မန္တလေးတိုင်းဒေသကြီး၊ ပုသိမ်ကြီးမြို့နယ်ရှိ ကြံ့ခင်း၊ ကံသစ်ကုန်း၊ ရေဝန်း၊ ပေါက်မြိုင်၊လှိုင်းပေါက်၊သရက်တစ်ပင်၊ ရဲထွတ်၊စက်ရိပ်၊ဒုန်းကုန်း၊ ပုဂံတပ်၊ဝင်းခြံ၊အာလောင်၊ ဟင်းရွက်စု၊ဂျိုင့်ကြီး၊ ညောင်ပင်သာ ၊သံဘိုကျွန်း ကျေးရွာ တို့တွင် ဧရာဝတီမြစ်ရေ ဝင်ရောက်မှုကြောင့် ရေလွှတ် ရာ သို့ပြောင်းရွှေ့ရာတွင် အခက်အခဲများရှိနေသောကြောင့် အကူအညီများ လိုအပ်လျှက်ရှိသည် ဟု ကြံခင်းကျေးရွာမှ ကိုအောင်အောင် ကပြောသည်။ (ဓာတ်ပုံ - အောင်ကိုဦး၊ မဇ္ဈိမ)
အဆိုပါရေများသည် ဇူလိုင် ၂၅ ရက် မှစတင်ဝင်ရောက်လာပြီး အိမ်ခြေ ၄၀၀ ကျော် ရေမြုပ်နေကာ တချို့မှာ ပြောင်းရွှေ့ရန်အခက်အခဲများဖြစ်နေသောကြောင့် ထိုကျေးရွာများရှိ ရွာဦးကျောင်းများတွင် သွားရောက်ခိုလုံနေရသည်ဟုလည်း အသက် ၈၀ ကျော် ဒေါ်ခင် က ဆိုသည်။
ကြံ့ခင်းကျေးရွာ ရွာဦးကျောင်းဆရာတော် ဦးတိက္ခာစာရ က သက်ကြီးရွယ်အိုးများနှင့် ကလေးငယ် များအား ခေါ်ယူစောင့်ရှောက်ထားသည်ဟုလည်း မိန့်ကြားသည်။
အဆိုပါကျေးရွာများသို့ သက်ဆိုင်ရာနှင့် လူမှုကူညီရေးအသင်းများမှ လာရောက်ကူညီ ပေးခြင်း မရှိသေးဟုလည်း ဆရာတော်က ဆက်လက်မိန့်ကြားသည်။
