အပန်းဖြေခရီးထွက်ပြီး ဗြိတိန်နိုင်ငံဆီ ပြန်လာကြသူတွေကနေ COVID-19 ကပ်ရောဂါ ကူးစက်ပျံ့ပွားမှု နောက်တကြော့ပြန်ဖြစ်မှာကို ဗြိတိန်အစိုးရ စိုးရိမ်ပြီး စပိန်နိုင်ငံကို ခရီးသွားသူတွေအပေါ် ကန့်သတ်မှုတွေ လတ်တလော ချမှတ်ခဲ့ပါတယ်။ အထူးသဖြင့် မြေထဲပင်လယ်ထဲက စပိန်အပန်းဖြေကျွန်းတွေဆီ မလိုအပ်ရင် ခရီးမသွားဖို့ ဗြိတိန်အစိုးရက အကြံပြုထားပါတယ်။ စပိန်ကပြန်လာသူတွေအားလုံးကိုလည်း ၁၄ ရက် တခြားသူတွေ မထိတွေ့ဘဲ သီးခြားခွဲနေရမယ်လို့ ညွှန်ကြားထားပါတယ်။ ဒီလိုလုပ်တဲ့အတွက် စပိန်ရဲ့ ခရီးသွားလုပ်ငန်းကို ဘယ်လောက် ထိခိုက်သွားပါသလဲ။ AP သတင်းကို အခြေခံပြီး နန်းလောဝ်က တင်ပြပါမယ်။