ဗြိတိန်ပေါ့ပ်ကြယ်ပွင့်ကြီး တွမ်ဂျုံးစ်သည် လာမည့်ဗုဒ္ဓဟူးနေ့တွင် အမေရိကန်၌ စတင်ကျင်းပရန်စီစဉ်ထားသော နယ်လှည့်ဖျော်ဖြေပွဲအား ကျန်းမာရေးကိစ္စကြောင့် ရက်ရွှေ့ဆိုင်းခဲ့ရကြောင်း တွစ်တာမှတဆင့် ပရိသတ်များကို အသိပေးခဲ့သည်။

It’s Not Unusual နှင့် Sex Bomb တို့ ကဲ့သို့သော သီချင်းများဖြင့် နာမည်ကြီးခဲ့သည့် အသက် ၇၇နှစ်အရွယ်ရှိ ဝေးလ်အဆိုတော်ကြီးသည် စက်တင်ဘာလ ၆ ရက်နေ့တွင် ပန်ဆယ်ဗေးနီးယားပြည်နယ် ဘက်သ်လယ်ဟမ် မြို့၌ စတင်ဖျော်ဖြေသွားရန် ကနဦးက စီစဉ်ထားသော်လည်း ဆရာဝန်များ၏ သတိပေးချက်ကြောင့် ယခုလို ရက်ရွှေ့ဆိုင်းခဲ့ရခြင်းဖြစ်သည်။

“ကျန်းမာရေးကိစ္စများကြောင့် ဆာတွမ်ဂျုံးစ်ဟာ စိတ်မကောင်းစွာနဲ့ပဲ အမေရိကန်မှာ ပြုလုပ်မယ့် နယ်လှည့် ဖျော်ဖြေပွဲအစီအစဉ်ကို ရက်ရွှေ့ဆိုင်းလိုက်ရပါတယ်” ဟု ရေးသားထားသော ထုတ်ပြန်ချက်တစ်ခုကို သူ၏ တွစ်တာ၌ ဖော်ပြခဲ့သည်။

ထိုထုတ်ပြန်ချက်ထဲ၌ “ ဖျော်ဖြေပွဲရက်တွေကို ပြန်လည်ဇယားဆွဲနေပြီး လာမည့် ၂၀၁၈ခုနှစ် မေလနှင့် ဇွန်လ တို့မှာ ပြုလုပ်သွားဖို့ စီစဉ်ထားပါတယ်။ တွမ်ဂျုံးစ်ဟာ သူ့ရဲ့ပရိသတ်တွေကို အနူးအညွတ်ပဲ တောင်းပန်လိုက် ပါတယ်” ဟု ဖော်ပြထားသည်။