Mamma Mia ဇာတ်ကားထွက်ရှိပြီး ဆယ်နှစ်အကြာတွင် စတူဒီယိုမှ အမှုဆောင်များက တခဲနက်အောင်မြင် ကျော်ကြားခဲ့သည့် အဆိုပါ ဂီတနောက်ခံဇာတ်ကား၏ နောက်ဆက်တွဲရုပ်ရှင်ကို ရိုက်ကူးရန် စီစဉ်နေကြသည်။
ထိုဇာတ်ကား၏ မူလသရုပ်ဆောင် ဝိုင်းတော်သားများဖြစ်ကြသော မာရယ်လ်စတရိပ်၊ အမန်ဒါဆိုက်ဖရိုက်၊ ပီရာ့စ်ဘရော့စ်နန် နှင့် ကောလင်းဖာ့သ်တို့သည် သူတို့၏ မူလဇာတ်ကောင်များနေရာမှ ပြန်လည်ပါဝင်မည်ဖြစ် သည်။
ရုပ်ရှင်ဇာတ်ဝင်တေးများကို Abba အဖွဲ့၏ သီချင်းများ အသုံးပြုသွားမည်ဖြစ်ပြီး Mamma Mia: Here We Go Again ဟု အမည်ပေးထားသည့် နောက်ဆက်တွဲရုပ်ရှင်ကို လာမည့် ၂၀၁၈ခုနှစ် ဂျူလိုင်လတွင် ထွက်ရှိသွားနိုင် ရန် စီစဉ်ထားသည်။
Mamma Mia ၏ ဇာတ်အိမ်ကို London’s West End ပြဇာတ်ရုံ၌ ကပြဖျော်ဖြေခဲ့သော ဂီတပြဇာတ်ကို အခြေခံ ထားခြင်းဖြစ်ပြီး နောက်ထွက်လာမည့်ဇာတ်ကားကို ဗြိတိန်ဒါရိုက်တာ အိုလ်ပါကာက ရေးသားရိုက်ကူးမည်ဖြစ် ကြောင်း သိရသည်။
Abba အဖွဲ့ဝင်များဖြစ်ကြသော ဘန်နီအန်ဒါဆန်နှင့် ယောန်အူလ်ဗားရပ်စ်တို့ကလည်း ထုတ်လုပ်သူများအဖြစ် ပါဝင်သွားမည်ဖြစ်သည်။
၂၀၀၈ ခုနှစ်က ထွက်ရှိခဲ့သော Mamma Mia ဇာတ်ကားသည် ဖခင်ရင်းမည်သူဖြစ်သည်ဆိုတာကို ရှာဖွေနေပြီး သူမ၏ မင်္ဂလာဧည့်ခံပွဲသို့ ဖခင်ဖြစ်နိုင်ချေရှိသည့် အမျိုးသား ၃ဦးကို ဖိတ်ကြားခဲ့သော သတို့သမီးလောင်းလေး အကြောင်း ပုံဖော်ရိုက်ကူးထားခြင်းဖြစ်သည်။
ဝေဖန်မှုအမျိုးမျိုးရရှိခဲ့သော အဆိုပါရုပ်ရှင်သည် အလွန်လူကြိုက်များပြားကာ ကမ္ဘာတစ်ဝှမ်းမှ ရုံဝင်ငွေ ဒေါ်လာ သန်း ၆၀၀ခန့် ရရှိခဲ့ပြီး ရုပ်ရှင်ကုန်ကျငွေ၏ ၁၂ ဆ ကျော်ခန့် အမြတ်ရရှိခဲ့သည်။
Ref: BBC