စစ်ကိုင်းတိုင်း၊ ကလေးမြို့နယ်ရှိ ချောင်းခွကျေးရွာ၊ နတ်မြောင်းကျေးရွာနှင့် နတ်ချောင်းကျေးရွာအတွင်း ဒီဇင်ဘာလ ၂၃ ရက်တွင် စစ်ကောင်စီက လက်နက်ကြီးနှင့် လေကြောင်း အသုံးပြု ပစ်ခတ်တိုက်ခိုက်မှုကြောင့် အသက်ဆုံးရှုံးသွားသူ လေးဦး၏ ရုပ်အလောင်းများကို CNDF (ကလေး တပ်မဟာ) ကကောက်ယူ မြှုပ်နှံသင်္ဂြိုဟ်ပေးခဲ့ကြောင်း သိရသည်။
အပြစ်မဲ့ပြည်သူများ၏ ရုပ်အလောင်းများဖြစ်ပြီး ဒီဇင်ဘာလ ၂၅ ရက် ညနေပိုင်းတွင် CNDF က သွားရောက်ကောက်ယူပြီး ကောင်းမွန်စွာ မြှုပ်နှံသင်္ဂြိုဟ်ပေးခဲ့သည်ဟု ချင်းအမျိုးသားအဖွဲ့ချုပ် (CNDF)က ဖော်ပြထားသည်။
လက်ရှိတွင် စစ်ကောင်စီတပ်များသည် နတ်ချောင်းကျေးရွာ အထက(၁) ကျောင်းတွင် တပ်စွဲထားသည့်အတွက် မိဘပြည်သူများအနေဖြင့် အသက်အန္တရာယ် ထပ်မံ ထိခိုက်ဆုံးရှုံးမှု မရှိစေရန်အတွက် ခရီးသွားလာခြင်းများ မပြုလုပ်ကြပါရန် သတိပေးအပ်ပါသည်ဟု ချင်းအမျိုးသားအဖွဲ့ချုပ် CNDFမှ ထုတ်ပြန် ကြေညာထားသည်။
video - ရုပ်အလောင်းများကိုလိုက်လံကောက်ယူနေသည့်CNDF (ကလေးတပ်မဟာ)
