ဒီဇင်ဘာ ၂၃
တနင်္သာရီတိုင်း၊ ထားဝယ်မြို့နယ်တွင် စစ်ကောင်စီက PDF စခန်း တစ်ခုကို ဝင်ရောက် စီးနင်းပြီးနောက် အနီးရှိ ရွာနှစ်ရွာက ဒေသခံ ဦးရေ ၃၀၀နီးပါး ဘေးလွတ်ရာ ပြောင်းရွှေ့နေရ၍ အရေးပေါ် အကူအညီ လိုအပ်နေကြောင်း စစ်ဘေးရှောင် ကူညီဆောင်ရွက်ပေးနေသူများထံမှ သိရသည်။
မောင်မယ်ရှောင်ရွာနှင့် ခေါင်တိုင်ပြင်ရွာ အနီး ပြီးခဲ့သည့် ဒီဇင်ဘာလ ၂၁ ရက်က စစ်ကောင်စီနှင့် PDF တို့ ကြား တိုက်ပွဲ ဖြစ်ပွားခဲ့ခြင်း ဖြစ်သည်။
"အခု စစ်ဘေးရှောင်သူတွေထဲမှာ ကလေးငယ်တွေ၊ အသက်ကြီးရွယ်အိုတွေလည်း ပါဝင်နေတယ် ။ လတ်တလော မှာတော့ အနွေးထည်တွေနဲ့ စားနပ် ရိက္ခာတွေ လိုအပ်နေတယ် "ဟု ကူညီပေးနေသူများက ဆိုသည်။
လက်ရှိတွင် ခေါင်တိုင်ပြင်ရွာ အနီးတစ်ဝိုက်တွင် စစ်ကောင်စီက တပ်စွဲထားသည့် အင်အား မည်မျှရှိသည်ကို မသိရသေးကြောင်း ဒေသခံ တစ်ဦးက ပြောသည်။