ဒီဇင်ဘာလ ၁၆ ရက်

ကရင်ပြည်နယ် မြဝတီမြို့နယ် လေးကေ့ကော်မြို့သစ်အနီး ဒီဇင်ဘာ ၁၅ ရက်နေ့တိုက်ပွဲအတွင်း စစ်ကောင်စီတပ်ပစ်ခတ်မှုကြောင့် လေးကေ့ကော်မြို့သစ်အတွင်း နေအိမ်အပျက်အစီးများဖြစ်ခဲ့သည်ဟု ဒေသခံများကပြောသည်။ စစ်ကောင်စီတပ်က ဒေသခံ ကရင်အမျိုးသားအစည်းအရုံး KNU ၏ တပ်မဟာ (၆) ထိန်းချုပ်ရာနယ်မြေတွင်းရှိ အိမ်ခြေ ၈၀၀ ခန့်ရှိသော မြို့သစ်အတွင်း ပြည်သူ့ကာကွယ်ရေးတပ် (PDF) နှင့် အာဏာဖီဆန်ရေး CDM လုပ်ဆောင်နေသူများကို ဝင်ရောက်ဖမ်းဆီးမှုများလုပ်ပြီးနောက်  ကရင်အမျိုးသားလွတ်မြောက်ရေးတပ် (KNLA) နှင့် တိုက်ပွဲဖြစ်ပွားနေခဲ့သည်။