စက်တင်ဘာ ၂၅
ဂန့်ဂေါမြို့နယ်တွင်းရှိ ကာကွယ်ရေးပစ္စည်းထုတ်လုပ်ရေးစက်ရုံတွင် မိန်းမ အချင်းချင်း စကားများရန်ဖြစ်ရာမှ အသက် ၁၂ နှစ်အရွယ် မိန်းကလေးငယ် တစ်ဦး ဓားဒဏ်ရာများဖြင့်သေဆုံးသွားသည်ဟု ဒေသခံတစ်ဦးက မဇ္ဈိမကို ပြောသည်။
မကွေးတိုင်းဒေသကြီး ဂန့်ဂေါမြို့နယ် ကျောရွာ၏မြောက်ဖက်ရှိ ကပစ -၂၃ တွင် စက်တင်ဘာ ၂၄ ရက်နေ့ နေ့လည်က ပိုက်ဆံပျောက်မှုနှင့် စစ်သည် ဇနီးမယားနှစ်ဦး အချင်းများကြရာ မိခင်နှင့်လိုက်ပါသွားသော ကလေးငယ်ကို ဓားထိုးမိခြင်းဖြစ်သည်။
“ အဲ့စစ်သားမိန်းမက သူများငွေတွေကို ခိုးတာတဲ့။ အရင်တည်းက အဲ့လိုခိုးနေ တာတဲ့။ ဘေးအိမ်က စစ်သားမယားနဲ့ ရန်ဖြစ်ကြတာ။ သူ့ငွေကို သွားခိုးလို့ ဆိုပြီး ရန်ဖြစ်ကြတာ။ ကလေးကို ဓားထိုးမိတာ ငါးချက်တောင် ” အဆိုပါ အဖြစ်အပျက်ကို ကောင်းစွာသိနေသော ဒေသခံတစ်ဦးက ပြောသည်။
မိန်းကလေးငယ်အား ဆေးရုံပို့ကြသော်လည်း လမ်းတွင်ပင် သေဆုံးသွားခြင်းဟု သိရသည်။
ကာကွယ်ရေးတပ် PDF များ အင်အားကောင်းရာ ဂန်ဂေါမြို့ကို လက်ရှိတွင် အင်တာနက်လိုင်းများဖြတ်တောက်ထားသည်။
