အိန္ဒိယက Gaganyaan ဂြိုဟ်တု လွှတ်တင်မည့် အစီအစဉ်ကို ကို ၂၀၂၂ ခုနှစ်နှောင်းပိုင်း သို့မဟုတ် ၂၀၂၃ ခုနှစ် အစောပိုင်းတွင် စတင် ဖွယ်ရှိသည်ဟု ပြည်ထောင်စုဝန်ကြီး ဂျစ်အန်ဒရာ ဆင်းဂ်က စက်တင်ဘာ ၁၅ရက်တွင် ပြောကြားခဲ့သည်။
၂၀၂၂ ခုနှစ်တွင် လွှတ်တင်ရန်မူလကစီစဉ်ထားသော်လည်း ကိုရိုနာဗိုင်းရပ်စ်ကပ်ရောဂါကြောင့် နောက်ကျ ခဲ့သည်။ ကမ္ဘာဂြိုဟ်ပတ်လမ်းနိမ့်သို့ လူလိုက်ပါ မည့်ခရီးစဉ်ကို စတင်ရန်ရည်မှန်းထားသည်။
“ ၂၀၂၂ခုနှစ်နောက်ဆုံးထားပြီး Gaganyaan ခရီးစဉ်ကို စေလွှတ်နိုင်မယ်လို့ တကယ်မျှော်မှန်းခဲ့တာပါ။ အိန္ဒိယ လွတ်လပ်ရေး ၇၅နှစ်မြောက်နှစ်ပတ်လည်မှာ လွှတ်ဖို့စီစဉ်ခဲ့ပေမယ့် ကိုဗစ်-၁၉ ကြောင့် ရှောင်လွှဲမရတဲ့ နှောင့်နှေးမှု ဖြစ်လာခဲ့ပါတယ်”
“ ဒါပေမယ့် ၂၀၂၂ ခုနှစ်နှောင်းပိုင်း ဒါမှမဟုတ် ၂၀၂၃ ခုနှစ် အစောပိုင်းမှာ လွှတ်တင်နိုင်ဖွယ်ရှိတယ်ဆိုတာ ကျွန်တော် အသေချာပြောနိုင်ပါတယ်” ဟု သူက ပြောသည်။
အိန္ဒိယကုန်သည်များနှင့် စက်မှုလက်မှုလုပ်ငန်းရှင်များအသင်းချုပ် (FICCI) မှ စီစဉ်သော“ အိန္ဒိယ-သမုဒ္ဒရာ ဒေသနိုင်ငံ၏ အာကာသနည်းပညာမိတ်ဖက်များ အနာဂတ်” အမည်ရသည့် အွန်လိုင်းအစည်းအဝေးတွင် သိပ္ပံနှင့် နည်းပညာ ပြည်ထောင်စုဝန်ကြီး ဂျစ်အန်ဒရာက ယခုကဲ့သို့ ပြောကြားခဲ့သည်။
၂၀၁၅-၁၆ ခုနှစ်တွင် အာကာသသိပ္ပံပညာရှင်များနှင့် အစိုးရအရာရှိများ၏ သဘောထားအမြင်ဆွေးနွေးမှုကြောင့် အာကာသ နည်းပညာကို မည်သည့်နေရာတွင် အသုံးပြုနိုင်ကြောင်းနားလည်စေခဲ့သည်ဟု သူက ဆိုသည်။
ဇီဝဗေဒပညာရှင် ၄ ဦးနှင့် အဏုကမ္ဘာမြေစွဲငင်အားအကြောင်းအတွေ့ကြုံရှိသည့် ဒြပ်သိပ္ပံပညာရှင် ၂ ဦး တို့ကို Gaganyaan ခရီးစဉ်၏ မောင်းသူမဲ့မစ်ရှင်အတွက် ဇကာတင် ရွေးချယ်ခဲ့သည်ဟု အစိုးရက ဆိုသည်။
အာကာသနယ်ပယ်တွင် လုပ်ငန်းများစတင်ခြင်းနှင့် စက်မှုလုပ်ငန်းရှင်များပါဝင်လာရေးသည်လည်း အရေးကြီး ကြောင်း သူက အလေးထား ပြောကြားခဲ့သည်။