စက်တင်ဘာလ ၁၉ ရက်
“စစ်ကောင်စီလက်အောက်မှာ မနေချင်လို့ မိန်းကလေးဖြစ်ပေမယ့် ခုလို သင်တန်းလာတက်တာပါ။ ဒီချိန်မှာ အပ်ချုပ်သင်တန်းတို့ အသက်မွေးမှုဆိုင်ရာသင်တန်းတို့ထက် တက်သင့်တာက စစ်သင်တန်းပါ။ ဒီလိုအခြေအနေကြီးမှာ စက်ချုပ်သင်တန်းကို သွားတက်ရင်တော့ မှားသွားပြီ ။ ဒီအချိန်မှာ နိုင်ငံရေးပြန်ကောင်းလာဖို့ စစ်သင်တန်းကပဲ ကူညီနိုင်လိမ့်မယ်လို့ ယုံကြည်လို့ ခုလိုတက်ဖြစ်တာပါ” ကယားပြည်နယ်၊ ဖယ်ခုံမြို့ တောတွင်း တစ်နေရာတွင် စစ်အာဏာရှင်အား လက်နက်ကိုင်တော်လှန်ရန် သင်တန်းတက်ရောက်နေသူ အမျိုးသမီးလူငယ်နှင့် အမျိုးသား လူငယ်တို့၏ စကားသံများအား မေးမြန်းတင်ဆက်ထားသည်။
