စက်တင်ဘာ ၁၅
ဧရာဝတီတိုင်းဒေသကြီး၊ဘိုကလေးမြို့နယ်၊ စိန်ဟိုင်းကျေးရွာမှာရှိတဲ့ Mytel တာဝါတိုင်ကို အမည်မသိ လူတစ်စုက စက်တင်ဘာလ ၁၅ ရက်နေ့ မနက် ၃ နာရီလောက်မှာမီးရှို့ဖျက်ဆီးခဲ့တယ်လို့သိရပါတယ်။
မီးရှို့ခံခဲ့ရတာကြောင့် ဆိုလာပြား၊ဝါယာကြိုးတွေနဲ့ ထရန်စဖော်မာပုံးတွေပါပျက်စီးသွားခဲ့တယ်လို့ သိရပြီး မြင်းကုန်းကျေးရွာအုပ်စုအပိုင် စခန်းမှူးနဲ့နယ်ထိန်းတွေက စိန်ဟိုင်းကျေးရွာမှာ စစ်ဆေးမှုတွေပြုလုပ်နေတယ်လို့လည်းသိရပါတယ်။
ဘိုကလေးမြို့နယ်၊စိန်ဟိုင်းကျေးရွာက Mytel တာဝါတိုင် ဖျက်စီးခံရမှူဟာ ဧရာဝတီတိုင်းအတွင်း အာဏာသိမ်း စစ်အုပ်စုပိုင် Mytel တာဝါတိုင် ပထမဆုံး ဖျက်ဆီးခံရမှုဖြစ်ပြီး မြို့နယ်တိုင်းမှာရှိတဲ့ Mytel တာဝါတိုင်တွေမှာလည်း အကြမ်းဖက်စစ်ကောင်စီ တပ်သားတွေနဲ့ ရဲတွေကို ကင်းပုန်းတွေချထားပြီး စောင့်ကြည့်ခိုင်းထားတယ်လို့ သိရပါတယ်။
