စစ်ကောင်စီ

·       ပဲခူးတိုင်းဒေသကြီး၏ တပ်နယ်ဖြစ်သည့် အင်းတကော်မြို့တွင် ဖြစ်ပွားခဲ့သော ဧရာဝတီဘဏ်မှ ငွေ သယ်ယာဉ်ကို ဓားပြတိုက်ခံရမှု ကျူးလွန်သူများမှာ PDFများဖြစ်ကြောင်း စစ်ကောင်စီမှ စွတ်စွဲပြောဆိုသည်။

·       အကြိမ် (၂၀) မြောက်   အာဆီယံ - တရုတ်  စီးပွားရေး ဝန်ကြီးများအစည်းအဝေး၊     (၁၈) ကြိမ်မြောက် အာဆီယံ -ကိုရီးယား စီးပွားရေးဝန်ကြီးများ အစည်း အဝေး၊ (၁၃) ကြိမ်မြောက် မဲခေါင် - ဂျပန် စီးပွားရေး ဝန်ကြီးများ အစည်းအ ဝေး၊   အာဆီယံ-ဆွစ်ဇာလန် Troika   စီးပွားရေး    ဝန်ကြီးများအစည်းအဝေး၊ (၂၄) ကြိမ်မြောက် အာဆီယံ-အပေါင်းသုံး စီးပွားရေး ဝန်ကြီးများအစည်းအဝေးတို့ကို   ရင်းနှီးမြှုပ်နှံမှုနှင့် နိုင်ငံခြားစီးပွားဆက်သွယ်ရေး ဝန်ကြီးဌာန ပြည်ထောင်စု ဝန်ကြီး ဦးအောင်နိုင်ဦး နေပြည်တော်ရှိ အဆိုပါ ဝန်ကြီးရုံးမှ ပါဝင်တက်ရောက်ကြောင်း ဝါဒဖြန့် စစ်ကောင်စီ သတင်းတွင်ဖော်ပြထားသည်။

·       စစ်ခေါင်းဆောင်မင်းအောင်လှိုင်မှ အကြမ်းဖက်စစ်တက္ကသိုလ် ဗိုလ်လောင်းသင်တန်းအမှတ်စဉ်  ၆၄ စစ်လက်ရုံး ရွေးချယ်ပွဲသို့ တက်ရောက်စိစစ်ရွေးချယ်သည်ဟု စကစ ဝါဒဖြန့် သတင်းတွင်ဖော်ပြထားသည်။

·       အာဆီယံ − တရုတ် ပိုးမွှားရောဂါကင်းစင်ရေးပူးပေါင်းဆောင်ရွက်ရေးဆိုင်ရာ ဝန်ကြီးအဆင့်(၇)ကြိမ်မြောက် အစည်း အဝေးကို  ယနေ့ နံနက်ပိုင်းတွင် Video Conference ဖြင့် ကျင်းပရာ စစ်ကောင်စီ စိုက်ပျိုးရေး၊ မွေးမြူရေးနှင့် ဆည်မြောင်း ဝန်ကြီးဌာန ဒုတိယဝန်ကြီး ဒေါက်တာအောင်ကြီး တက်ရောက်ကြောင်း စကစ သတင်းတွင်ဖော်ပြ ထားသည်။

·       စစ်ကောင်စီ ဗဟိုဘဏ်မှ စက်တင်ဘာ ၁၃ ရက်နေ့က အမေရိကန် ဒေါ်လာ ၁၅သန်းရောင်းချခဲ့ကြောင်းသိ ရပြီး တစ်ဒေါ်လာလျှင် မြန်မာငွေ ၁၇၅၀ကျပ်ဖြင့်ပျမ်းမျှ သတ်မှတ်ရောင်းချခဲ့ကြောင်း သိရသည်။

အမျိုးသားညီညွှတ်ရေးအစိုးရ

·       ၂၀၁၂ခုနှစ် ဇွန်လ ၁ ရက်နေ့မှ ဩဂုတ်လ ၃၁ ရက်နေ့အထိ မြန်မာနိုင်ငံအတွင်း၌ လက်နက်ကိုင်တိုက်ပွဲများနှင့် ပဋိပက္ခ ဖြစ်စဉ်ပေါင်း (၁၁၇၁)ဖြစ်ပွားခဲ့ပြီး ထိုအထဲတွင် လက်နက်ကိုင်တိုင်ပွဲ (၁၈၀)၊ပြည်သူများ၏ ခုခံတော် လှန်မှုဖြစ်စဉ် (၁၅၇) လုပ်ကြံခံရမှုဖြစ်စဉ် (၂၂၇)၊ပေါက်ကွဲမှုဖြစ်စဉ် (၂၈၀) စကစ၏ အရပ်သားများ အပေါ် အကြမ်းဖက်မှုဖြစ်စဉ် (၃၀၉)ခုနှင့် စကစ အချင်းချင်းပစ်ခတ်မှုဖြစ်စဉ် ၁၈ ခုရှိကြောင် NUG မှ ထုတ်ပြန်ထားသည်။

·       ပြည်သူများ၏ အင်အားနှင့် စစ်ကောင်စီပြုတ်ကျရေးကို ဆက်လက်လုပ်ဆောင်ရန် သံအမတ်ကြီး ဦးကျော်မိုးထွန်း တိုက်တွန်းပြောကြားခဲ့သည်။

·       စစ်ကိုင်းတိုင်းက မြို့နယ်များတွင် ဇွန် ဇူလိုင် သြဂုတ်လ သုံးလအတွင်း စစ်ကောင်စီ၏ သတ်ဖြတ်မှုကြောင့် အနည်းဆုံး ပြည်သူ ၂၀၀ကျော် သေဆုံးခဲ့ရသည်။ယင်းအခြေအနေကို စက်တင်ဘာလအတွင်း ကျင်းပမည့် လူ့အခွင့်အရေးကောင်စီအစည်းအဝေး၌  အဆိုပါပြစ်မှုများသည် ခိုင်လုံသော  သက်သေအထောက်အထား အဖြစ် ထွက်ပေါ်လာမှာ ဖြစ်ကြောင်း NUG လူ့အခွင့်အရေးဝန်ကြီး ဦးအောင်မျိုးမင်းကပြောသည်။

·       လူ့အခွင့်အရေးဆိုင်ရာဝန်ကြီးဌာနအနေဖြင့် စစ်ကိုင်းတိုင်းနှင့် မကွေးတိုင်းတွင် စစ်ကောင်စီက နေ့စဥ်ရက် ဆက် ကျူးလွန်နေသော အပြည်ပြည်ဆိုင်ရာရာဇဝတ်မှုများအကြောင်းကို  အချိန်နှင့်တပြေးညီ ပေးပို့နေ ပြီး သီးသန့်အစီရင်ခံစာတစောင်ကိုလဲ မကြာမီ ဆက်လက်ပေးပို့သွားမည်ဖြစ်ကြောင်း သိရသည်။

·       သံအမတ်ကြီး ဦးကျော်မိုးထွန်းကို ကုလသမဂ္ဂဆိုင်ရာ မြန်မာအမြဲတမ်းကိုယ်စားလှယ်အဖြစ် နိုဝင်ဘာလ အထိ ဆက်လက်ခန့်ထားရန် အမေရိကန် နှင့် တရုတ်တို့အကြား သဘောတူထားကြောင်း အမေရိကန် အခြေစိုက် Foreign Policy မဂ္ဂဇင်း၏ အင်တာနက်စာမျက်နှာတွင် ရေးသားထားသည်။

တော်လှန်ရေးလှုပ်ရှားမှုများ

·       ရန်ကုန်တိုင်း၊ဒဂုံမြို့သစ်(မြောက်ပိုင်း)မြို့နယ်၊ အမှတ် ၄၉ ရပ်ကွက်မှ ရာအိမ်မှူးဖြစ်သူ ဦးနိုင်လင်းဆိုသူအား အမှတ် ၄၉ ရပ်ကွက်၊ ဗိုလ်မှူးအေးချိုလမ်းနှင့် လဂွန်းအိမ်လမ်းထောင့်တွင် ယမန်နေ့ နေ့လည် ၂ နာရီဝန်းကျင်ခန့်၌ အမည်မသိ သေနတ်သမားနှစ်ဦးမှ သေနတ်ဖြင့်ပစ်သတ်ခဲ့ကြောင်းသိရပါသည်။

·       ရန်ကုန်မြို့တွင် စစ်အာဏာရှင်စနစ်ကို နယ်ပယ်ပေါင်းစုံမှ တော်လှန်ကြရန် စက်တင်ဘာလ ၁၄ ရက်နေ့တွင် လူငယ်များ ဦးဆောင်၍ ချီတက် ဆန္ဒပြကြသည်။

·       ရန်ကုန်မြို့၊ ဒေါပုံသင်္ဘောကျင်းမှတ်တိုင်အနီးရှိ သင်္ဘောသားရုံး (DMA ရုံး)တွင် ယနေ့ စက်တင်ဘာ ၁၄ရက် နေ့လည် ၁၂နာရီခန့်တွင် ပေါက်ကွဲမှုဖြစ်ခဲ့သည်။

·       စစ်ကိုင်းတိုင်းအတွင်းက မြို့နယ် ၆ မြို့နယ်၊ မန္တလေးတိုင်း မြင်းခြံမြို့နယ် အပါ အဝင် မြို့နယ်များတွင် စက်တင်ဘာလ ၁၄ ရက်နေ့ မွန်းလွဲပိုင်းမှစတင်၍ စစ်ကောင်စီက အင်တာနက်လိုင်း ဖြတ်တောက်လိုက်ကြောင်း သိရသည်။

·       မန္တလေးတွင် သံဃသမဂ္ဂ ဆရာတော်များ ဦးဆောင်ကာ ယနေ့ စက်တင်ဘာလ ၁၄ ရက်နေ့က "စနစ်ဆိုးကို အမြစ်လှန် ပြည်သူအားလုံး ပုန်ကန်" ဖက်ဆစ် စစ်ခွေးတပ် တော်လှန်ရေး ချီတက် ဆန္ဒပြခဲ့ကြောင်း သိရသည်။

·       မန္တလေး သံဃသမဂ္ဂ သပိတ်စစ်ကြောင်း သံဃာတော်များ ဦးဆောင်ကာ ယနေ့ စက်တင်ဘာလ ၁၄ ရက်နေ့တွင် ပရိတ်ရွတ်မေတ္တာပို့ပြီး အကြမ်းဖက် စစ်ကောင်စီ ဖက်ဆစ် စစ်ခွေးတပ် တော်လှန်ရေး လှုပ်ရှားမှုပြုလုပ်ခဲ့သည်။

·       မန္တလေးမြို့ရှိ လူစည်ကားရာဈေးနေရာများနှင့် အဓိကမိန်းလမ်းမများပေါ်တွင် ယနေ့ စက်တင်ဘာ ၁၄ရက်နေ့တွင် "စစ်ကို စစ်နဲ့ တုံ့ပြန်ကြ၊ ငြိမ်းချမ်းရေးအတွက် တိုက်ပွဲရှိရမယ်၊ ကယ်တင်ရှင် ဘယ်သောအခါမှမရှိပေ" လူထုလှုံ့ဆော်ရေး စာရွက်များ မန္တလေးမြို့နေရာအနှံ့တွင် ဗကသများအဖွဲ့ချုပ် ဦးဆောင်ကာ ဆိုင်ကယ်များဖြင့် လိုက်လံဖြန့်ဝေခဲ့ကြောင်း သိရသည်။

·       မန္တလေးတွင် ဘုရားကြီးသပိတ်စစ်ကြောင်း၊ မန္တလေးမြို့အခြေစိုက် လူထုသပိတ်စစ်ကြောင်းနှင့် ဘာသာပေါင်းစုံ သပိတ်စစ်ကြောင်းတို့ ဦးဆောင်ကာ ယနေ့ စက်တင်ဘာလ ၁၄ ရက်နေ့က "ပြည်သူမုန်းတဲ့ စစ်ခွေးဘဝ အချိန်ရှိတုန်းအလင်းဝင်ကြ" ဖက်ဆစ် စစ်ခွေးတပ် တော်လှန်ရေး ချီတက် ဆန္ဒပြခဲ့ကြောင်း သိရသည်။

·       မန္တလေးမြို့၊ တရုတ်ကောင်စစ်ဝန်ရုံးချုပ်အနီးရှိ News Ocean စျေးဝယ်စင်တာတွင် အကြမ်းဖက် စစ်ခွေးတပ် ဖြုတ်ချရေးအတွက် လူငယ်များက ယနေ့ စက်တင် ဘာလ ၁၄ ရက်နေ့ ဆန္ဒပြကြကြောင်း သိရှိရသည်။

·       မန္တလေးတွင် စစ်အာဏာရှင်ကို နေ့စဥ်မပြတ် လူထုတိုက်ပွဲနှင့်အတူ တော်လှန်နေသော မန္တလေးမြို့အခြေစိုက် တက္ကသိုလ်ကျောင်းသားသမဂ္ဂများ သပိတ်စစ်ကြောင်းသည် ယနေ့ စက်တင်ဘာ ၁၄ ရက်နေ့တွင်လည်း ချီတက် သပိတ်မှောက်ကြသည်။

·       "စစ်ကို စစ်နဲ့တုံ့ပြန်ကြ၊ ငြိမ်းချမ်းရေးအတွက် တိုက်ပွဲရှိရမယ်၊ ကယ်တင်ရှင် ဘယ်သောအခါမှမရှိ"စတဲ့ စာသားများ ရေးသားထားသည့်  လှုံ့ဆော်ရေးစာရွက်များကို စက်တင်ဘာ ၁၄ရက်၊မွန်းလွဲပိုင်းတွင် ဗကသများ အဖွဲ့ချုပ်က မန္တလေးမြို့၊ လူစည်ကား သည့်နေရာများ၌  ဖြန့်ဝေခဲ့ကြောင်း သိရသည်။

·       မန္တလေးတွင် ယနေ့ စက်တင်ဘာလ ၁၄ရက်နေ့က " ပြည်သူ့တပ်မတော် ချီတက်ခဲ့ပြီ" အကြမ်းဖက် ဖက်ဆစ် စစ်ခွေးတပ် တော်လှန်ရေး မန္တလေးလူငယ်များ သပိတ်စစ်ကြောင်း ချီတက် ဆန္ဒပြခဲ့ကြောင်း သိရသည်။

·       ထားဝယ်ခရိုင် လောင်းလုံးမြို့နယ်တွင် ကျောင်းသား လူငယ်များ ဦးဆောင်ကာ အကြမ်းဖက် စစ်ကောင်စီ စစ်ခွေးတပ် တော်လှန်ရေး ချီတက် ဆန္ဒပြခဲ့ကြောင်း သိရသည်။

·       ထားဝယ်ခရိုင် လောင်းလုံးမြို့နယ်ရှိ အမျိုးသမီးများစုပေါင်း၍ 'နှင်းဆီရောင်အမျိုးသမီးထုလှုပ်ရှားမှု' အဖြစ်ယနေ့ ပြုလုပ်ခဲ့ပြီး NUG အစိုးရတရားဝင်အသိမှတ်ပြုမှုရရှိရေးနှင့် စစ်အာဏာရှင်စနစ်ဆန့်ကျင်ရေး တောင်းဆိုခဲ့သည်။

·       ထားဝယ်ခရိုင်၊ ကံပေါက်ဒေသတွင် နှင်းဆီရောင်အမျိုးသမီးများလှုပ်ရှားမှုဖြင့် စစ်အာဏာရှင်ဖြုတ်ချရေး စက်တင်ဘာလ ၁၄ ရက် နံနက်တွင် ဆန္ဒပြကြသည်။

·       မြိုင်မြို့နယ် အခြေခံပညာ အထွေထွေသပိတ်ကော်မတီနှင့် အနောက်ပိုင်းဇုန်ရှိ ပြည်သူလူထုတို့ ပူးပေါင်းကာ ယနေ့ စက်တင်ဘာလ (၁၄)ရက်နေ့တွင် အကြမ်းဖက် စစ်ကောင်စီ စစ်ခွေးတပ် တော်လှန်ရေး ချီတက် ဆန္ဒပြခဲ့ကြောင်း သိရသည်။

·       မုံရွာ-အမြင့်လမ်းရှိ ကျေးရွာများမှ တော်လှန်ပြည်သူများသည် ကမ္ဘာ့ကုလသမဂ္ဂတွင် မြန်မာနိုင်ငံကိုယ်စားပြု သံအမတ် ခန့်အပ်ရန် ဦးကျော်မိုးထွန်းအား ထောက်ခံကြောင်းနှင့် စစ်အာဏာရှင် ဖက်စစ်တပ်ကို တော်လှန်ကြောင်း စက်တင်ဘာလ ၁၄ ရက်တွင် ကျေးရွာများအတွင်းလှည့်လည်ကာ ဆန္ဒထုတ်ဖော် သပိတ်မှောက်ကြသည်။

·       မုံရွာ- အမြင့်လမ်း ကျေးရွာများ ပင်မသပိတ်စစ်ကြောင်း ဦးဆောင်ကာ ယနေ့ စက်တင်ဘာလ ၁၄ ရက်နေ့က ဖက်ဆစ် စစ်တပ် တော်လှန်ရေး ချီတက် ဆန္ဒပြခဲ့ကြောင်း သိရသည်။

·       စစ်ကိုင်းတိုင်း၊ အရာတော်မြို့နယ်အတွင်းက ကျေးရွာတချို့ကို အဓမ္မပြောင်းရွှေ့ဖို့ စီစဉ်နေသည်ဟု စာတစောင် ထွက်ပေါ်လာနေသည်။

·       အကြမ်းဖက် ဖက်ဆစ်စစ်တပ် အမြစ်ပြတ်ကျဆုံးရေး၊ NUG အစိုးရနှင့် သံအမတ် ဦးကျော်မိုးထွန်းအား အသိအမှတ်ပြုထောက်ခံရေးအတွက် လက်ပံတောင်းတောင်ဒေသ တောကျောင်းကျေးရွာအုပ်စုရှိ တော်လှန်ကျောင်းသားပြည်သူများသည် စက်တင်ဘာ ၁၄ ရက် နံနက်တွင် ကြွေးကြော်ချီတက်ဆန္ဒပြကြသည်။

·       ယောဒေသကာကွယ်ရေးတပ်ဖွဲ့ YDF တပ်ဖွဲ့ဝင်များသည် စက်တင်ဘာ ၁၁ ရက်တွင် မင်းရွာရဲစခန်းအား ဝင်ရောက် တိုက်ခိုက်ပြီး ပြန်လည်ဆုတ်ခွာလာစဉ် ခေါက်ကူရွာအနီးတွင် သတင်းအရ ပျူစောထီးအဖွဲ့ဝင်များ သိုလှောင်ထား သော သိန်း ၇၀ ကျော်တန်ဖိုးရှိ ဖောက်ခွဲရေးပစ္စည်းများ၊ မိုင်းများနှင့် ခေါက်ချိုးကျည်တောင့် ၁၀၀၀ ကျော်အား သိမ်းဆည်း ရမိခဲ့ကြောင်း YDF မှ သတင်းထုတ်ပြန်သည်။

·       အမျိုးသားညီညွတ်ရေးအစိုးရ NUG ကို ထောက်ခံကြိုဆိုကြောင်းနှင့် စစ်အာဏာရှင်အမြစ်ပြတ်ကျဆုံးရေး စစ်ကိုင်းတိုင်း၊ ယင်းမာပင်ခရိုင်၊ ဆားလင်းကြီးမြောက်ခြမ်းနှင့် ယင်းမာပင်အရှေ့ခြမ်းရှိ ကျေးရွာများမှ တော်လှန်ပြည်သူများ ယနေ့နံနက်တွင် ချီတက်ဆန္ဒပြကြသည်။

·       စစ်ကိုင်းတိုင်း၊ ကလေးမြို့နယ်တွင် "ပြည်သူသာအမိ ပြည်သူသာအဖ ပြည်သူ့ရင်ခွင် ခိုလှုံကြ" ခေါင်းစဉ်ဖြင့် ကလေးမြို့ပြည်သူများ စစ်အာဏာရှင် ချေမှုန်းရေး သပိတ်မှောက် ယနေ့ နံနက်ပိုင်း သပိတ်မှောက်ကြသည်။

·       ကရင်ပြည်နယ်၊ ဘုရားသုံးဆူမြို့ရှိ တော်လှန်ကျောင်းသားပြည်သူများသည် အကြမ်းဖက်ဖက်ဆစ် စစ်တပ် အမြစ်ပြတ်ကျဆုံးရေး၊ အမျိုးသားညီညွတ်ရေးအစိုးရ NUG နှင့် သံအမတ် ဦးကျော်မိုးထွန်းအား အသိအမှတ် ပြုထောက်ခံရေး စက်တင်ဘာလ ၁၄ ရက် နံနက်တွင် ချီတက်ဆန္ဒပြကြသည်။

·       မကွေးမြို့ ကြံ့ဖွတ်ရုံးရှေ့တွင် ယနေ့ နံနက် ၈ နာရီက ဗုံးပေါက်ကွဲမှု ဖြစ်ပွားပြီး ကလေးငယ် ၁ ဦး သေဆုံးကာ ၁ ဦးဒဏ်ရာရရှိသွားကြောင်း ဒေသခံများထံမှ သိရှိရသည်။

·       အမျိုးသားညီညွတ်ရေးအစိုးရ NUG နှင့် သံအမတ် ဦးကျော်မိုးထွန်းအား ထောက်ခံကြိုဆိုကြောင်း မကွေးတိုင်း၊ ရေစကြိုမြို့နယ်အတွင်းရှိ တော်လှန်ပြည်သူများ စက်တင်ဘာလ ၁၄ ရက် နံနက်တွင် ဆန္ဒပြကြသည်။

·       မကွေးတိုင်း၊ တောင်တွင်းကြီးမြို့နယ်၊ တောင်လျောင်း (ရွာမ) ရွာတွင် စက်တင်ဘာ ၁၂ ရက်က အာဏာသိမ်း စစ်ကောင်စီတပ်ဖွဲ့ဝင်များ၏ ပစ်ခတ်မှုကြောင့် ညီအစ်ကိုနှစ်ဦးသေဆုံးခဲ့ပြီး လေးဦးကို ဖမ်းဆီးသွားကြောင်း ဒေသခံများက ပြောသည်။

·       ကယားပြည်နယ် (ကရင်နီပြည်)၊ လွိုင်ကော်မြို့ ၅၄ တပ်အနီး ယမန်နေ့ ည ၇ နာရီခွဲမှ စတင်ကာ လက်နက်ကြီး လက်နက်ငယ်သံများ ပစ်ခတ်မှုများဖြစ်ပေါ်ခဲ့ကြောင်း၊ စစ်ကောင်စီ၏ သံချပ်ကာကားများ၊ စစ်ကားများ ထပ်မံရောက်ရှိလာကာ ရမ်းကား ပစ်ခတ်မှုများကြောင့် ပြည်သူ အနည်းဆုံး ၃ ဦး ဒဏ်ရာရကာ နေအိမ်တချို့ ပျက်စီးခဲ့ကြောင်း ဒေသခံများထံမှ သိရသည်။

·       ကချင်ပြည်နယ်၊ မြစ်ကြီးနားမြို့တွင် ဖက်ဆစ် စစ်တပ် လုံး၀ အုပ်ချုပ်ခွင့်မရရေးနှင့် စစ်အာဏာရှင်ဆန့်ကျင် ချေမှုန်းရေး လူငယ်များက ယနေ့ စက်တင်ဘာလ ၁၄ ရက်နေ့တွင် ဆန္ဒပြကြသည်။

·       ရွှေကူမြို့နယ်၊စီသောင်ရွာမှ စစ်ကောင်စီခန့် အုပ်ချုပ်ရေးမှူး ဦး‌ညွန့်အောင် ယနေ့ နေ့လည် ၁ နာရီခန့်က သေနတ်ဖြင့် ပစ်သတ်ခံရကြောင်း သတင်းရရှိသည်။

တိုင်းရင်းသားလက်နက်ကိုင်များ

·       စက်တင်ဘာလ ၁၄ ရက်နေ့ နံနက်ပိုင်းတွင် ဖရူဆိုမြို့နယ်အတွင်း ကဒါးလားကျေးရွာအနီးတစ်ဝိုက်၌ ကရင်နီ တပ်မတော်(KA)၊ ကရင်နီအမျိုးသားကာကွယ်ရေးတပ်(KNDF) ပူးပေါင်းတပ်နှင့် စစ်ကောင်စီတပ်တို့ တိုက်ပွဲဖြစ်ပွားခဲ့ရာ တိုက်ပွဲအတွင်း KNDF မှ တပ်ဖွဲ့ဝင်နှစ်ဦးကျဆုံးသွားခဲ့ကြောင်း  KNDF-BO1 Dee Maw Soe Zone က သတင်းထုတ်ပြန်သည်။

·       မွန်ပြည်နယ်၊ ဘီးလင်းမြို့နယ်၊ လေးကေကျေးရွာရှိ အကြမ်းဖက်စစ်ကောင်စီ လက်အောက်ခံ ကရင်နယ်ခြား စောင့်တပ် BGF မှ ၎င်းတို့၏ စခန်းပြုပြင်ရန် ကျေးရွာပြည်သူများအား သစ်နှင့် ဝါးများခုတ်ခိုင်းပြီး အဓမ္မခိုင်း စေခဲ့ကြောင်း KNU သူးလေသတင်းစဉ်တွင် ဖော်ပြသည်။

·       သျှမ်းတောင် မိုင်းရှူးမြို့နယ်တွင် ပြီးခဲ့သည့် ရက်ပိုင်းတွင် တိုင်းရင်းသားလက်နက်ကိုင်တပ်ဖွဲ့သည့် မြို့ပေါ်အထိ တပ်သားသစ်စုဆောင်းမှုများ ပြုလုပ်ခဲ့ကြောင်း စုံစမ်းသိရသည်။

·       သျှမ်းပြည်တောင်ပိုင်း မိုင်းကိုင်မြို့နယ် ဟိုခဲကျေးရွာအုပ်စု နမ့်အွန်ကျေးရွာအနီး ယန့(စက်တင်ဘာ ၁၄)ရက် မနက် ၈နာရီမှစတင်ကာ လက်ရှိအချိန်ထိ သျှမ်းတပ် (၂) တပ် တိုက်ပွဲပြင်းထန်ကြောင်း စုံစမ်းသိရှိရသည်။

စက်တင်ဘာ ၁၄ သုံးသပ်ချက်

·       စစ်ကောင်စီမှ အာဆီယံနှင့် ပတ်သက်သည့် ဆွေးနွေးပွဲတိုင်းတက်ရောက်နေသည်ကို တွေ့ရသည်။ တပ်နယ်မြေတွင် ဖြစ်သည့် ဘဏ်ဓားပြမှုကိုလည်း PDF လုပ်သည်ဟု စွတ်စွဲပြောဆိုထားသည်။ ယခုကာလ မည်သူလုပ်လုပ် PDF လက်ချက်ဟု စစ်အုပ်စုက အမြဲထုတ်ပြန်သည်။ယင်းချက်ကို ကြည့်ခြင်းအားဖြင့် ယခင်က ပြည်မတွင် မည်သည့် ကိစ္စဖြစ်ဖြစ် KNU လုပ်သည်ဟု လွှဲချစွတ်စွဲတာနှင့် တူနေသည်။

·       တိုက်ပွဲပြင်းထန်နေသည့် ဒေသများတွင် အင်တာနက်များ ဖြတ်တောက်ထားပြန်သည်။ယင်းလုပ်ရပ်သည် စစ်အုပ်စုအနေဖြင့် လူ့အခွင့်အရေးကြီးကြီးမားမား ချိုးဖောက်မှုများ ပြုလုပ်ချိန်တွင် ယင်းနည်းလမ်းကို သုံးလေ့ရှိသည်။

·       မန္တလေး စစ်ကိုင်းတွင် ဆန္ဒပြမှုများ အရှိန်အဟုန်ပြင်းစွာရှိနေဆဲဖြစ်သည်။ စစ်ကိုင် ချင်း ကယား ကရင် ကချင် ဒေသများတွင် စစ်ပွဲများ ရှိနေပြီ ဆက်လက်ပြင်းထန်နိုင်သည်။ ရန်ကုန် မန္တလေး မကွေး ထားဝယ်တို့တွင် ပျောက်ကြားတော်လှန်ရေးနှင့်စစ်ကောင်စီ ဒေါက်တိုင်ရှင်းလင်းရေးများ ရှိနေပြီး အထက်ပိုင်းဒေသများတွင် တိုက်ပွဲများ ပြင်းထန်းလာလေ မြို့တွင်း ပျောက်ကြားတော်လှန်ရေး နှင့်စစ်ကောင်စီ ဒေါက်တိုင်ရှင်းလင်းရေးများ ခပ်စိတ်စိတ်ရှိလာနိုင်သည်။