မြန်မာနိုင်ငံမှာ လက်ရှိဖြစ်ပေါ်နေတဲ့ နိုင်ငံရေးပဋိပက္ခကို ကြားဝင်ဆောင်ရွက်ပေးရေး အရှေ့တောင်အာရှနိုင်ငံများအသင်း - အာဆီယံက ခန့်အပ်မယ့် အထူးသံတမန်ကို မြန်မာနိုင်ငံအနေနဲ့ လက်ခံဖို့ အင်ဒိုနီးရှားနိုင်ငံခြားရေးဝန်ကြီး Ratno Marsudi က မနေ့တုန်းက တိုက်တွန်းလိုက်ပါတယ်။
“ဂျကာတာမြို့မှာ မြန်မာ့အရေးအတွက် အာဆီယံ အထူးထိပ်သီးစည်းဝေးပွဲ ကျင်းပခဲ့တာ အခုဆိုရင် ရက်ပေါင်း ၁၀၀ ရှိသွားပါပြီ။ မြန်မာ့အရေးအတွက် အာဆီယံက အဲဒီစည်းဝေးပွဲအတွင်း ချမှတ်ခဲ့တဲ့ သဘောတူညီချက် (၅) ချက်ကို အခုချိန်ထိ အကောင်အထည်ဖော်နိုင်ခြင်း မရှိသေးပါဘူး။ အာဆီယံအဖွဲ့က ခန့်အပ် တာဝန်ပေးမယ့် အထူးသံတမန်ကို မြန်မာဘက်က ချက်ခြင်း လက်ခံပေးလိမ့်မယ်လို့ အင်ဒိုနီးရှားနိုင်ငံအနေနဲ့ မျှော်လင့်ပါတယ်။