ဩဂုတ် ၁
စစ်ကောင်စီတပ်များမှ နယ်မြေကျူးကျော်လာနေသရွေ့ တိုက်ပွဲတွေ ဆက်လက်ပြင်းထန်မယ်လို့ ချင်းပြည်ကာကွယ်ရေး တပ် CDF က ဇူလိုင်လ ၃၁ ရက်က ထုတ်ပြန်သည်။
ဇူလိုင်လ ၃၀ ရက်က မင်းတပ်-မတူပီကြား တိုက်ပွဲမှာ သေးဆုံးတဲ့ စစ်ကောင်စီတပ်တွေရဲ့ ရုပ်အလောင်းများကိုလည်း ဒီကနေ့ ဩဂုတ်လ ၁ ရက်မှာ CDF ကထုတ်ပြန်ထားသည်။
ဇူလိုင်လ ၃၀ ရက် မင်းတပ်-မတူပီကြား တိုက်ပွဲမှာ သေဆုံးသော စစ်ကောင်စီတပ် အလောင်းများ
မတူပီ-မင်းတပ်လမ်းမကြီး မိုင်တိုင် (၇၃) တွင် CDF-Matupi, CNA ပူးပေါင်းအဖွဲ့နှင့် အကြမ်းဖက်စစ်ကောင်စီတပ်အကြား တိုက်ပွဲဖြစ်ရာ အကြမ်းဖက်စစ်တပ်မှ တပ်ရင်းမှူး ဒုတိယဗိုလ်မှူးကြီး ဇော်ဇော်စိုး အပါအဝင် ၁၀ ဦးသေဆုံးကြောင်း CDF ၏ ထုတ်ပြန်ချက်တွင် ပါရှိသည်။
အဆိုပါ တိုက်ပွဲတွင် CDF-မတူပီ မှ ဆလိုင်း ကုန်းထန်း၊ ဆလိုင်း ဟာထွန်းနှင့် ဆလိုင်းထန်းချင်းဆန် တို့ကျဆုံးခဲ့သည်။
ဇူလိုင်လ ၃၀ ရက် မင်းတပ်-မတူပီကြား တိုက်ပွဲမှာ သေဆုံးသော စစ်ကောင်စီတပ် အလောင်းများ
အပစ်ခတ်ရပ်စဲသက်တမ်းတိုးဖို့ ဆွေးနွေးမှုပျက်ပြယ်ပြီးနောက် ဇူလိုင် ၂၀ ရက်နောက်ပိုင်းမှာCDF တွေနဲ့ စကစတပ်တို့ တိုက်ပွဲများ အကြိမ်ကြိမ် ဖြစ်ပွားနေခြင်း ဖြစ်သည်။
