ဇူလိုင် ၂
စ စ်ကောင်စီတပ်ကိုသတင်းပေးမှုဖြင့် ပေါင်းတည်မြို့ ဟင်္သာကန်ရပ်ကွက်နေသူတစ်ဦးကို သောကြာနေ့နံနက်တွင် သုတ်သင်ရှင်းလင်းလိုက်ကြောင်း ပဲခူးပြည်သူ့ကာကွယ်ရေးတပ် BDF ကထုတ်ပြန်ထားသည်။
“အကြီးစားဒလန် အောင်ဆန်းဝင်း( ခ) ဂျစ်ပွေး( ရွှေအရက်ဆိုင်) အား ယနေ့ နံနက် ၆ နာရီခန့် က ပြည်ခရိုင် PDF မှ ဖောင်းဒိုင်းလိုက်ပြီ မုန့်ဟင်းခါးတစ်ပွဲ” ဟု ထုတ်ပြန်ချက်တွင်ရေးသားထားသည်။
ပဲခူးတိုင်းဒေသကြီး ပြည်ခရိုင် ပေါင်းတည်မြို့၏တော်လှန်ရေးကာလသတင်းများကို ကိုအောင်ဆန်းဝင်း ( ခ) ဂျစ်ပွေးသည် စစ်တပ်အား သတင်းပေးနေသည့် ဒလန်အကြီးစားဖြစ်သည် BDF ၏ လူမှုကွန်ယက်စာမျက်နှာတွင် ရေးသားထားသည်။
“သူ့အိမ်မှာ စစ်သားတွေ အမြဲဝင်ထွက်တယ်၊ အရက်တွေဘာတွေ ခေါ်တိုက်တယ် ကြားတာပဲ၊ ပြီးတော့ အနားက တက်ကြွလှုပ်ရှားသူတွေရဲ့ သတင်းကို အမြဲပေးတဲ့သူတဲ့” ဟုပေါင်းတည်မြို့ခံတစ်ဦးက ပြောသည်။
ဇွန်လ ၃၀ ရက်နေ့၊ ပေါင်းတည်မြို့နယ်၊ တောင်ပေါ်ဒေသ ကြို့ကုန်းကျေးရွာအုပ်စု အုပ်ချုပ်ရေးမှူး ဦးအောင်ဇော်လတ် (ခ) ဇော်လတ် သေနတ်နဲ့ ခေါင်းကို ပစ်သတ်ခံရမှုဖြစ်ပွါးခဲ့သေးသည်။
