ဟောင်ကောင်နှင့် မကာအိုတို့၏ ဘာသာစကားမူဝါဒများတွင် အမျိုးသားရေးလက္ခဏာများ ပိုမို ခိုင်မာ စေရန်အတွက် ဂရိတ်တားဘေးဧရိယာရှိ ဘာသာစကားအခြေအနေနှင့်ပတ်သက်သည့် နောက်ဆုံး အစီရင် ခံစာတွင် ဟောင်ကောင်တွင် ပြည်မကြီးအသုံးပြုသည့်တရုတ်စာကို ဥပဒေကြောင်းအရ သတ်မှတ် ပေးသင့် ကြောင်း အကြံပြုထားသည်။
သို့သော် တရုတ်ပညာရေးဝန်ကြီးဌာ၏ အကြံပြုချက်များ၏ ဖြစ်နိုင်ခြေနှင့် ပတ်သက်၍ ဟောင်ကောင်ရှိပညာတတ်များက မန်ဒရင်းဘာသာစကားကို သင်ကြားနေပြီးဖြစ်ပြီး ဆရာများကို ပိုမိုကောင်းမွန်သည့် ကိရိယာများတပ်ဆင်ပေးရန်လိုကြောင်း ဇွန်လ ၂ရက်တွင် စောဒကတက်ခဲ့သည်။
ကျောင်းများတွင် အဓိကဘာသာစကားအဖြစ် ကန်တုံစကားကို မန်ဒရင်းဘာသာဖြင့် အစားထိုးရန်နှင့် ပြည်မကြီးတွင် အသုံးပြုသည့် ရိုးရှင်းသောတရုတ်ဘာသာကို စာသင်ခန်းများတွင် အစားထိုးခြင်းက ပညာရေးအသိုင်းအဝိုင်း၊ မိဘများနှင့် ကျောင်းသားများအကြားအငြင်းပွားဖွယ်ရာပြဿနာတစ်ခုဖြစ်သည်။
၁၉၉၇ ခုနှစ်တွင် ဗြိတိန်မှ တရုတ်သို့ ဟောင်ကောင်အားလွှဲပြောင်းပြီးနောက်တွင် မူလတန်းနှင့် အလယ်တန်းကျောင်းများရှိ ကျောင်းသားအများစုသည် ဟောင်ကောင်ဘာသာစကားမူဝါဒအရ မန်ဒရင်းဘာသာကို စတင်သင်ကြားနေပြီးဖြစ်သော်လည်း ဒေသဆိုင်ရာတက္ကသိုလ်ဝင်ခွင့်စာမေးပွဲစနစ်တွင် မပါဝင်သေးပေ။
၂၀၁၈ ခုနှစ်တွင် ဟောင်ကောင်မြို့တော်ဝန် ကယ်ရီလမ်ချန်က အများပြည်သူပိုင်ကျောင်းများတွင် ကန်တုံဘာသာစကားကို မန်ဒရင်းဘာသာစကားဖြင့် အစားထိုးခြင်းသည် ပြဿာနာမရှိကြောင်း အမတ်များကို ပြောကြားခဲ့ပြီး အစိုးရက ပညာရေးတွင် ဘာသာစကားနှင့် ပတ်သက်သောမူဝါဒကို ပြောင်းလဲရန် အစီအစဉ်မရှိကြောင်း ထပ်မံပြောကြားခဲ့သည်။
လွန်ခဲ့သည့်ဆယ်စုနှစ်များအတွင်း ဟောင်ကောင်ပြည်သူများက မန်ဒရင်းဘာသာစကားများကို ပိုမိုသင်ယူလာသဖြင့် ဟောင်ကောင်၏ မိခင်ဘာသာစကားအဖြစ် ကန်တုံစကားကို ထားရှိလိုကြောင်းကို သက်ဆိုင်ရာအဖွဲ့များနှင့် ပညာရှင်များက ထောက်ခံပြောဆိုခဲ့ကြသည်။
