ဟန်နီနွေဦး - " ကျွန်တော်တို့ ဒီစနစ်ကြီးအောက်မှာ ကျွန်ခံမလား၊ ကိုယ်တိုင်တော်လှန်ပြီးတော့ တကယ်ဖြစ်သင့်တဲ့ ဒီမိုကရေစီစနစ်ကို ရယူမလားဆိုတာ ကျွန်တော်တို့အပေါ် အများကြီး မူတည်တယ်၊ ကိုယ့်အသက်အန္တရာယ်ရှိလာလည်း ဆက်ပြီးတော့ လျှောက်လှမ်းနေရအုံးမှာပဲ"
အသက် (၂၀) ကျော်အရွယ် မော်ဒယ်၊သရုပ်ဆောင် ဟန်နီနွေဦးကို မဇ္စျိမက  ဆက်သွယ်မေးမြန်းထားတာပါ။
သူမဟာ စစ်တပ်က အာဏာသိမ်းပြီးနောက်ပိုင်းမှာ စစ်အာဏာရှင်ပြုတ်ကျရေးအတွက် ဆန္ဒပြပွဲတွေမှာလဲ တောက်လျောက်ပါဝင်ခဲ့ပြီး အခုချိန်ထိလည်း တော်လှန်ဆန့်ကျင်တာတွေ ဆက်လုပ်နေပါတယ်။
အရင်က နိုင်ငံရေးကို စိတ်မဝင်စားတဲ့သူမက အခုတော့ အာဏာရှင်ကို လက်နက်ကိုင်တော်လှန်ဖို့အထိ စိတ်ကိုဆုံးဖြတ်ချက် ချထားသူပါ။