ပြီးခဲ့တဲ့ မေလ ၅ရက်ညက ရန်ကုန်မြို့ ကန်တော်ကြီးပတ်လမ်းမှာရှိတဲ့ Utopia Tower ဗုံးပေါက်ကွဲမှုဖြစ်ခဲ့ပြီး အဲ့ဒီ တာဝါမှာ ဖိုးသော်က MMAသင်တန်း နှင့် အားကစားခန်းမ (GYM)ဖွင့်ထားတာဖြစ်ပါတယ်။
MMA လက်ဝှေ့သမား ဖိုးသော်ဟာ ဗုံးပေါက်ကွဲမှုဒဏ်ကြောင့် မီးလောင်ဒဏ်ရာတွေကို မြောက်ဥက္ကလာဆေးရုံမှာ ခွဲစိတ်ကုသမှု ခံယူနေစဉ် စစ်ကောင်စီတပ်တွေက လာရောက်ဖမ်းခေါ်သွားခဲ့တာဖြစ်ပါတယ်။
MMA ဖိုက်တာ ဖိုးသော်နဲ့ နီးစပ်သူ ၂ ဦးအထိကို မဇ္ဈိမက ဆက်သွယ်မေးမြန်းပြီး အတည်ပြုရာမှာ မေလ ၇ ရက်နေ့၊ နေ့လယ် ၂ နာရီဝန်းကျင်အထိ ဖိုးသော်ဟာ ဆေးကုသမှုခံယူနေဆဲဖြစ်ပြီး ဆုံးပြီဆိုတာ သတင်းအမှားသာဖြစ်တယ်လို့ သူတို့က ပြောပါတယ်။