“တိုင်းပြည်ကာကွယ်ရေး သီးသန့်သာလုပ်ပြီးတော့ အခုလိုပြည်သူတွေကို သတ်ဖြတ်နေတဲ့ စစ်တပ်မဟုတ်ပဲ၊ ပြည်သူတွေကို ကာကွယ်ပေးတဲ့ စစ်တပ်ကို ချစ်တဲ့ သူငယ်ချင်းမျိုးပဲ သူ့ကိုဖြစ်စေချင်တယ်” - ကျောင်းနေဖက်သူငယ်ချင်း
အကြမ်းဖက်စစ်ကောင်စီရဲ့  အာဏာသိမ်းပြီး ဧပြီလ ၂၉ ရက်နေ့မှာ ပြုလုပ်တဲ့ သုံးကြိမ်မြောက် သတင်းစာရှင်းလင်းပွဲမှာ ဝါဒဖြန့်ချီရေးသမား ဗိုလ်ချုပ်ဇော်မင်းထွန်းက သတင်းထုတ်ပြန်ရေးကို အလှည့်ကျတာဝန်ယူမယ့်သူ သုံးယောက်ကို စတင်ပွဲထုတ် လာပါတယ်။
အမျိုးသားနှစ်ဦးနဲ့ အမျိုးသမီးတစ်ဦး ဖြစ်ပါတယ်။ မျက်နှာခပ်ရှင်းရှင်းနဲ့အမျိုးသမီးတစ်ဦးက လူတွေသတိထား မိစပြုလာပါတယ်။ သူက အသက် ၃၀ အရွယ်ရှိ၊ ဗိုလ်ကြီး အေးသဇင်မြင့်ပါ။ သူဟာ ဗိုလ်တစ်ထောင် ကျောင်း လို့သိကြတဲ့ (NMDC) ကောလိပ်မှာ သတင်းအတတ်ပညာသင်ယူခဲ့တဲ့သူပါ။