ဧပြီ ၂၇
စစ်ကိုင်းတိုင်းဒေသကြီး တမူးမြို့မှာ CDM ဝင်ရောက်နေတဲ့ စစ်သားတစ်ယောက်ကို အကြမ်းဖက်စစ်ကောင်စီက ဒီကနေ့ ဧပြီ ၂၇ ရက်ညပိုင်းမှာ ဖမ်းဆီးသွားပြီး သတ်ဖြတ်ခဲ့တယ်လို့ တမူးမြို့ပြည်သူ့လုံခြုံရေးတပ်ဖွဲ့ (TSG) ကထုတ်ပြန်ပါတယ်။
ဒီကိစ္စနဲ့ပက်သက်လို့ တမူးမြို့ပြည်သူ့လုံခြုံရေးတပ်ဖွဲ့ (TSG) ရဲ့တာဝန်ရှိတဲ့သူတွေဆီ မဇ္ဈိမကဖုန်းနဲ့ ဆက်သွယ်နေပေမယ့် အဆက်အသွယ်မရသေးပါဘူး။
“ TSG အတွက် အထောက်အကူအများအပြားရခဲ့တဲ့အဆိုပါ CDM စစ်သား (ကိုကို - နာမည်လွှဲ) ဟာ ဖမ်းစီးခံရချိန်မှာ မိမိတို့ လျှို့ဝှက်ချက်တွေကို မေးမြန်းခံရကောင်းခံရနိုင်ပေမဲ့ ထုတ်ဖော်ပြောကြားခဲ့ခြင်းမရှိသည်မှ အသေအချာအမှန်ပါ” လို့လည်း TSG ကထုတ်ပြန်ထားပါတယ်။
CDM စစ်သား (ကိုကို - နာမည်လွှဲ) ဟာဘယ်လိုမျိုးစစ်ကောင်စီရဲ့ဖမ်းဆီးခြင်းကိုခံခဲ့ရတယ်ဆိုတာကိုတော့ တိတိကျကျ ပြောဆိုထားတာမရှိပါဘူး။
ဒီ့အပြင် တမူးမြို့ပြည်သူ့လုံခြုံရေးတပ်ဖွဲ့ (TSG) ရဲ့ တပ်စိပ် ဌာနေကိုလည်း အကြမ်းဖက်စစ်တပ်က ဝင်စီးဒီညမှာပဲဝင်စီးခဲ့သေးတယ်လို့သိရပါတယ်။
ဧပြီ ၂၇ ရက်နေ့ည ၁၁ နာရီအထိ တမူးမြို့အခြေအနေကတော့ ကုလားစခန်း တမူးမြို့ပြင်ဘက်မှာ ပစ်ခတ်ခြင်းရှိသလို မြို့ထဲတွင်လည်း ပစ်ခတ်ခြင်းရှိနေကြောင်း TSG ကရေးသားထားပါတယ်။