ဧပြီ ၂၇
ဒီကနေ့ ဧပြီလ (၂၇) ရက်က မင်းတပ်နယ်နဲ့ မကွေးတိုင်းနယ်စပ်အကြားမှာ စစ်ကောင်စီတပ်တွေက လက်နက်ကြီးတွေတင်ထားတဲ့ ကားသုံးစီးနဲ့ လိုက်လံပစ်ခတ်နေတယ်လို့ ဒေသခံတစ်ဦးကပြောပါတယ်။
"စစ်ကောင်စီဘက်က လက်နက်ကြီးတွေ သုံးနေကြတယ်၊ မင်းတပ်နယ်နဲ့ မကွေးတိုင်းနယ်စပ်ကြားမှာဖြစ်တာပါ၊လောလောဆယ် နှစ်ဖက်ဒဏ်ရာရဘာညာတော့မကြားရသေးဘူလို့" ရှေ့တန်းက တိုက်နေတဲ့ပြည်သူတွေဆီက သိရပါတယ်။
မနေ့က စစ်ကောင်စီတပ်ဖွဲ့ဝင် ၁၅ ဦးခန့် သေဆုံးခဲ့တဲ့ မင်းတပ်မြို့မှာ ဒီကနေ့မနက် ၉ နာရီခန့်က အကြမ်းဖက်စစ်ကောင်စီတပ်တွေဘက်က စစ်ကူတွေထပ်ရောက်လာပြီး ပြည်သူ့ကာကွယ်ရေးအဖွဲ့က စောင့်ကြည့်နေတဲ့ သူတွေနဲ့ ထိပ်တိုက်တွေ့ပြီး ပစ်ခတ်မှုတွေဖြစ်ကြတာလို့ သိရပါတယ်။
