MC: အမေရိကန် သမ္မတ ဒေါ်နယ် ထရမ့်ကို တရားစွဲဆို အရေးယူဖို့ စတင်လုပ်ဆောင်တော့မယ်ဆိုတဲ့ အောက်လွှတ်တော် လူများစု ခေါင်းဆောင် ဒီမိုကရက် အမတ် နန်စီ ပီလိုစီရဲ့ ဆုံးဖြတ်ချက်ဟာ သမ္မတ ဒေါ်နယ်ထရမ့် ၂၀၂၀ ပြည့်နှစ် ရွေးကောက်ပွဲ ဝင်တဲ့အခါ ကြုံတွေ့ရမယ့် မသေချာမရေရာမှု အခြေအနေတွေကို ပိုမို ရှုပ်ထွေးသွားစေခဲ့ပါတယ်။ ပြည်သူ့ သဘောထား ဆန္ဒ ကောက်ယူမှုတွေအရ တော့ သမ္မတ ထရမ့်ဟာ ရွေးကောက်ပွဲဝင်မယ့် လက်ရှိ သမ္မတတစ်ယောက်အနေနဲ့အားနည်းတဲ့ အနေအထားမှာ ရှိနေပြီး ထပ်မံ အရွေးခံရ ရေး စီးပွားရေး အားကောင်းမှုနဲ့ သူ့ကို သစ္စာရှိ ထောက်ခံသူတွေ အပေါ်မှာ မှီခိုနေရလိမ့်မယ်လို့ ဆိုပါတယ်။ VOA ရဲ့ ပြည်တွင်း သတင်းထောက် Jim Malone သတင်းပေးပို့ထားတာကို ကိုရဲမင်းထွန်းက ပြောပြမှာပါ။