ပခုက္ကူ၊ ဇွန်လ ၆ ။ ။ မိုးသည်းထန်စွာရွာသွန်းမှုကြောင် ့ ဇွန်လ ၆ရက် ေ န့နံနက်က ပခုက္ကူမြို့နယ်၊ ကန်တော်ကျေးရွာ အနီးရှိ ကန်တော် ရေလှောင်တမံ ရေပိုလွှဲကျိုးပေါက်မှု ဖြစ်ပွားခဲ့သည် ။
အဆိုပါ ဆည်သည် ကျးရွာပိုင်ဆည်ဖြစ်ပြီး ခန့်မှန် းအားဖြင် ့ တစ်မိုင်ပတ်လည် ကျယ်ဝန်းပြီး ပုဂံ ခေတ်က စတင်တည်ဆောက်ခဲ့သည့် တစ်ဖက် ပိတ်ဆည် ဖြစ်သည်ဟု ဒေသခံများထံမှ သိရသည်။
"ကျိုးတဲ့ပုံစံက အပြင်မှာ ကျောက်ကြီးစီထားတယ်။ တွင်းထဲက ဘာမှမရှိတဲ့အတွက် မြေသားဆိုတော့ စိမ့်ပြီး ပေါက်သွားတယ်။ ဒီဆည်ကျိုးသွားတဲ့အတွက် ရာသီဥတုအားဖြင့် မိုးရေချိန် နည်းသွားမယ်။ ဒီကန်ကြီးမှာမှ ရေရှိရင် အနီးတဝိုက်မှာ မိုးရေချိန်လက်မ မှန်ကန်ပြီး မိုးရေချိန် ပြည့်မီအာင်ရတယ်"ဟု ကျေးရွာအုပ်ချုပ်ရေးမှူး ဦးစန်းလွင်က ဆိုသည်။
ကန်တော် ရေလှောင်တမံကျိုးပေါက်ခဲ့မှုကြောင့် ပခုက္ကူ-ပေါက် လမ်းမကြီးတွင် ရေလျှံမှုဖြစ်ပေါ်ခဲ့ပြီး လမ်းအား ခေတ္တပိတ်ထားခဲ့ရကြောင်း သိရသည်။
"မနေ့က ညက မိုးရွာတာများတော့ မနက်က စပြီး အဖျားလေး စပေါက်တယ်။သွားလို့လာလို့ရအောင် မီးသတ်တွေ ကြက်ခြေနီတွေနဲ့ ကူညီပေးနေရတယ်။ တစ်ဖက်က ဆည်မှာလည်း မြို့နယ်အုပ်ချုပ်ရေးမှူးက အခြေအနေစောင့်ကြည့်နေတယ်။လက်ရှိကြားရသမျှတော့ အားလုံးနီးပါး ကျိုးပေါက်သွားပြီလို့ သိရတယ်။ရေတွေလည်းများလာတဲ့အတွက် အသွားအလာ ခဏ ရပ်ထားတယ်"ဟု ပခုက္ကူမြို့နယ် တိုင်းဒေသကြီး(၁)လွှတ်တော်ကိုယ်စားလှယ် ဦးဟန်ဇော်၀င်းက ပြောသည်။
လက်ရှိတွင် ဆည်ကျိုးပေါက်မှုအား တားဆီးရန် ကြိုးစားနေကြပြီး ဆည်အောက်ရှိ ကျေးရွာအချို့အား အန္တရာယ်သတိပေးမှုများ လှည့်လည်နှိုးဆော်နေကြောင်း သိရသည်။
ယမန်နေ့ ဇွန်လ ၅ ရက်နေ့ညက ပခုက္ကူမြို့နယ်အတွင်း မိုးသည်းထည်စွာရွာသွန်းခဲ့ကာ မိုးရေချိန် လက်မ ၁ဒသမ ၆၄ လက်မ ရှိကြောင်း သိရသည်။
