လီမာ၊ ဖေဖော်ဝါရီ ၁ ။ ။ ကမ္ဘာကျော် စပိန်ပန်းချီဆရာကြီး ပါဘလိုပီကာဆိုရဲ့ လိင်ဇောင်းပေးတဲ့ ပန်းချီကား ၂၈ ကားကို ပီရူးနိုင်ငံ လီမာမြို့တော်က Pancho Fierro ဂယ်လာရီမှာ ပြခန်းဖွင့်လှစ်ပြသပါတယ်။
လိင်ကာမနှိုးဆွတဲ့ ပန်းချီကားတွေအဖြစ် ဝတ်စလစ်ယောက်ကျား၊ မိန်းမပုံတွေ၊ ဒဏ္ဍာရီလာ သတ္တဝါဆန်းပုံတွေနဲ့ ဖော်ကျုးရေးခြယ်ထားတဲ့ ပန်းချီကားတွေကို ပြပွဲခင်းကျင်းတာဖြစ်ပါတယ်။
လီမာမြို့အုပ်ချုပ်ရေးရုံးက ဖွင့်လှစ်ထားတဲ့ ဒီဂယ်လာရီမှာ ပီရူးနိုင်ငံအတွင်း ပထမဆုံးအဖြစ် ပီကာဆိုရဲ့ ကာမဂုဏ်အသားပေး ဖော်ကျုးလွန်းတဲ့ ပန်းချီကားတွေကို ခင်းကျင်းပြသတာလည်းဖြစ်ပါတယ်။
ပြပွဲမှာ ပန်းချီကားတွဲ နှစ်တွဲအနေနဲ့ ပြသထားပါတယ်။ ပထမပန်းချီစီးရီးဖြစ်တဲ့ The Burial of the Count of Orgaz မှာ ကားပေါင်း ၁၃ ကားပါပြီး The Double Flute မှာတော့ ပန်းချီကား ၁၅ ကား ပါဝင်ပါတယ်။
The Burial of the Count of Orgaz ပန်းချီးစီးရီးမှာ ပါဝင်တဲ့ ပန်းချီးကားနှစ်ကားဟာဆိုရင် ပီကာဆိုရဲ့ နောက်ပိုင်းအချိန်တွေမှာ ရေးခဲ့တဲ့ ပန်းချီကားတွေပဲ ဖြစ်ပါတယ်။
ခုပြသထားတဲ့ ပန်းချီကားတွေမှာ ပီကာဆိုရဲ့ လိင်စိတ်သာယာမှုကို နူးနူးညံညံ ခြယ်မှုန်းထားကြောင်း၊ ယခင်လက်ရာတွေနဲ့ လုံးလုံးကွဲထွက်ပြီး လွတ်လပ်ပြီးမြောက်စွာ ဖော်ကျုးထားတဲ့ ပန်းချီကားတွေပဲဖြစ်ကြောင်း ပြခန်းတာဝန်ခံတစ်ဦးက ပြောခဲ့ပါတယ်။
