အကြမ်းဖက်စစ်ကောင်စီတပ်ရဲ့ လူမဆန်မှုနဲ့ ရက်စက်ကြမ်းကြုတ်မှုတွေကိုအထွေအထူးပြောနေစရာမလိုတော့ ဘူးလို့ထင်ပါတယ်။
နွေဦးတော်လှန်ရေး ၂ နှစ်ကျော်ကာလအတွင်းလူမဆန်မှုနဲ့ ရက်စက်ကြမ်းကြုတ်မှုပေါင်း များစွာကို ကျူးလွန်ထားတဲ့ အကြမ်းဖက်စစ်ကောင်စီတပ်ဟာဧပြီလဒုတိယပတ်အတွင်းမှာ အစုလိုက်အပြုံလိုက် သတ်ဖြတ်မှုဆိုတာထက်ပိုတဲ့
ရက်စက်ကြမ်းကြုတ်မှုကို ထပ်မံကျူးလွန်သွားခဲ့ပြန်ပါတယ်။
ဧပြီ ၁၁ ရက်က စစ်ကိုင်းတိုင်းဒေသကြီး၊ကန့်ဘလူမြို့နယ်၊ ပဇီကြီးကျေးရွာမှာလုပ်တဲ့ ပြည်သူ့အုပ်ချုပ်ရေးရုံးသစ်ဖွင့်ပွဲအလှူကိုအကြမ်းဖက်စစ်ကောင်စီက လေကြောင်းတိုက်ခိုက်မှုပြုလုပ်ခဲ့တာဖြစ်ပြီး အသက် ၁၈ နှစ်အောက်ကလေးငယ် တွေ၊ ကိုယ်ဝန်ဆောင်အမျိုးသမီးတွေ၊ သက်ကြီးရွယ်အိုတွေနဲ့ အမျိုးသမီးတွေအပါအဝင်လူပေါင်း ၁၆၀ ကျော် သေဆုံးခဲ့ရတာဖြစ်ပါတယ်။
