အာဏာသိမ်းစစ်ကောင်စီကို နည်းပညာပိုင်း အဓိက ကူညီပံ့ပိုးနေတဲ့ နောင်ရိုးကုမ္ပဏီ၊ FISCA ကုမ္ပဏီနဲ့ စစ်ကောင်စီရဲ့ ပို့ဆောင်ဆက်သွယ်ရေးဌာနတို့ကို အမေရိကန်ပြည်ထောင်စုက နာမည်ပျက်စာရင်းထဲ ထည့်သွင်းလိုက်ပါတယ်။
တရုတ်၊ ရုရှား၊ ဘယ်လာရုစ်၊ ပါကစ္စတန်၊ ထိုင်ဝမ်နဲ့ မြန်မာအပါအဝင် ပြည်ပကုမ္ပဏီ ၃၇ ခုကို စစ်လက်နက်နဲ့ နည်းပညာဆိုင်ရာပစ္စည်းတွေ တင်ပို့ရောင်းချမှုတွေကန့်သတ်ဖို့ အမေရိကန် ကုန်သွယ်ရေးဝန်ကြီးဌာနက မတ်လ ၂ ရက်နေ့မှာ ထုတ်ပြန်လိုက်တာပါ။
ပြီးခဲ့တဲ့ ၂၀၂၂ ခုနှစ်အတွင်း နာမည်ပျက်စာရင်းဝင် တရုတ်ကုမ္ပဏီတွေကို ဒေါ်လာ ၂၃ ဘီလျံကျော် တန်ဖိုးရှိတဲ့ နည်းပညာပစ္စည်းကိရိယာတွေ အမေရိကန်ကနေ တင်ပို့ခွင့်ပြုခဲ့တဲ့အပေါ် အောက်လွှတ်တော် နိုင်ငံခြားရေးကော်မတီမှာ ဆွေးနွေးကြားနာပြီးနောက် ဒီစာရင်းကို ထုတ်ပြန်လိုက်တာလည်း ဖြစ်ပါတယ်။
