ကရင်နီပြည်နယ်၊ ဒီးမော့ဆိုမြို့နယ်၊ ရှေ့တန်းတစ်နေရာတွင် ပြီးခဲ့သည့် ဇန်နဝါရီလ ၂၃ ရက်နေ့က KNDF တပ်ရင်း အမှတ် (၉) နှင့် စစ်ကောင်စီတပ်ဖွဲ့တို့ တိုက်ပွဲဖြစ်ပွားခဲ့ရာ ထိုတိုက်ပွဲအတွင်း KNDF B-09 ရဲဘော် သုံးဦးတို့ ရဲဝံ့စွာအသက်ပေး ကျဆုံးသွားခဲ့သည်။
ကျဆုံးသွားသည့်ရဲဘော် သုံးဦးမှာ ရဲဘော် ဂျိုးဇက် ၊ ရဲဘော် ရဲရင့် နှင့် ရဲဘော် လင်းအိမ်သစ်တို့ ဖြစ်ပြီး ၎င်းတို့၏ စျာပနအခမ်းအနားကို ဇန်နဝါရီလ ၂၅ ရက်နေ့တွင် ပြုလုပ်ပေးခဲ့ခြင်း ဖြစ်သည်။
"ဆုံးရှုံးမှုအတွက် ကျန်ရစ်ခဲ့သောမိသားစုဝင်များနှင့်အတူ ကျွန်တော်တို့ ရဲဘော်များ လွန်စွာကြေကွဲဝမ်းနည်းရပါသည်။ တိုင်းပြည်နှင့်လူမျိုးအတွက် အသက်ပေးသွားသော အာဇာနည်သူရဲကောင်း သုံးဦးတို့အား အလေးနီပြုအပ်ပါတယ်" ဟု KNDF B-09 မှ တာဝန်ရှိသူက ဆိုသည်။
ကရင်နီပြည်နယ်၊ ဒီးမော့ဆိုမြို့နယ် စံပြ (၆) မိုင်၊ ဒေါတမကြီးလမ်းတွင် တိုက်ပွဲပြင်းထန်မှုများရှိနေသည့်အတွက် ပြည်သူများအနေဖြင့် သွားလာခြင်းမပြုလုပ်ကြရန်လည်း KNDFက ထုတ်ပြန်ထားသည်။
စာတည်း။ ။ ဖူးသိမ်ကျ
စာမူတည်းဖြတ်။ ။ သန့်ဇော်(သန်လျင်)
