ဩဂုတ် ၁
တနင်္သာရီတိုင်း၊ ထားဝယ်ခရိုင်၊ လောင်းလုံးမြို့နယ်၌ ပြည်သူများအား ဖမ်းဆီးသေဒဏ်ချမှတ်ခြင်းပြုလုပ်သည့် စစ်ကောင်စီကို ကန့်ကွက်ရှုတ်ချကြောင်း ယနေ့ ဩဂုတ်လ ၁ ရက်နေ့ နံနက်ပိုင်းတွင် ဆန္ဒထုတ်ဖော်ကြသည်ဟု သိရသည်။
အဆိုပါ စစ်အာဏာရှင်စနစ်ဆန့်ကျင်ရေး ဆန္ဒထုတ်ဖော်မှုနှင့်အတူ နှင်းဆီရောင်အမျိုးသမီးထု လှုပ်ရှားမှုပြုလုပ်ကြကြောင်း သိရသည်။
"ခြွေလို့ရရင်ရမယ် နှင်းဆီနီဘယ်တော့မှ မကြွေဘူး" ဆိုသည့် ခေါင်းစဉ်ဖြင့် လှုပ်ရှားမှု ပြုလုပ်ခဲ့ကြပြီး သေဒဏ် ချမှတ်ခံထားရသည့် အမျိုးသမီးများ၏ ဓာတ်ပုံကို ကိုင်ဆောင်ခဲ့ကြသည်ဟု သိရသည်။
ယင်းလှုပ်ရှားမှုကို နှင်းဆီရောင်အမျိုးသမီးများသမဂ္ဂ(ထားဝယ်) ကဦးဆောင်ပြီး LGBT၊ အခြေခံပညာကျောင်းသူ/သားများနှင့် လူငယ်အချို့လည်း ပူးပေါင်းပါဝင်ခဲ့ကြသည်။
