ဇူလိုင် ၇ ရက်၊ ၂၀၂၂
ယနေ့ ကျရောက်သော ''ဆဲဗင်းဂျူလိုင် ကျောင်းသားအရေးတော်ပုံ" နှစ်(၆၀) ပြည့် အထိမ်းအမှတ်အဖြစ် "၇.၇.၆၂ မမေ့ကြနှင့်" ဟူသော စာသားပါဘန်နာကိုင်စွဲကာ မန္တလေးတွင် စစ်အာဏာရှင်ဆန့်ကျင်ရေးလှုပ်ရှားမှုပြုလုပ်ခဲ့ကြပါသည်။
ထိုလှုပ်ရှားမှုကို မန္တလေးသပိတ်အင်အားစုမှ ဦးဆောင်ခဲ့ပြီး "ဆဲဗင်းဂျူလိုင် စိတ်ဓာတ် ကိုင်စွဲတိုက်ပွဲဝင်ကြ"စသော စစ်အာဏာရှင်ဆန့်ကျင်ရေး ကြွေးကြော်သံများဖြင့် ချီတက် သပိတ်မှောက် ခဲ့ကြပါသည်။