အိန္ဒိယတွင် အသေးစားချေးငွေပေးသည့် အက်ပ်လီကေးရှင်းများနှင့် ခရစ်ပ်တိုငွေကြေးလွှဲပြောင်းမှုများမှ တစ်ဆင့် ငွေကြေးလိမ်လည်မှုများကို မကြာသေးမီက တွေ့ရှိခဲ့ရသည်။

အိန္ဒိယနိုင်ငံသားများကို လိမ်လည်လှည့်ဖြားရန်နှင့် ငွေကြေးခဝါချရန် ကြာခံများအသုံးပြုမှုသည် များပြား လာသည်။

တရုတ်နိုင်ငံသားများ သို့မဟုတ် ကုမ္ပဏီများသည် အဆိုပါ လိမ်လည်လှည့်ဖြားမှုနှင့် အကျင့်ပျက် ခြစားမှုအများစုတွင် ပါဝင်ပတ်သက်နေကြောင်း စုံစမ်းစစ်ဆေးရေးအေဂျင်စီများက အတည်ပြုခဲ့သည်။

၂၀၂၀ပြည့်နှစ် နှောင်းပိုင်းတွင် အိန္ဒိယ၌ တရားမဝင်အက်ပ်အသုံးပြုသည့် အသေးစားချေးငွေ ထုတ်ချေးသည့် ကုမ္ပဏီများကို ဖြိုးခွင်းခဲ့သည်။

ထောက်လှမ်းရေးပေါင်းစပ်မှုနှင့် မဟာဗျူဟာမြောက်စစ်ဆင်ရေး (ဒေလီ ရဲတပ်ဖွဲ့၏ IFSO )၊ ဥပဒေစိုးမိုးရေး ဦးစီးဌာန (ED)နှင့် ဟိုက်ဒရာဘတ်ရဲတပ်ဖွဲ့တို့သည် အောင်မြင်သော စစ်ဆင်ရေးအမျိုးမျိုးဖြင့် ယင်းလိမ်လည် မှုများတွင်ပါဝင်သည့် အုပ်စုများ၏ လုပ်နည်းကိုင်နည်းများကို ထုတ်ဖော်ခဲ့သည်။

ယင်းအမှုများဖြင့် တရုတ်နိုင်ငံသား အနည်းဆုံး ဒါဇင်ဝက်ခန့်ကို ဖမ်းဆီးခဲ့သည်။ အေဂျင်စီများအတွက် စိတ်ပျက်စရာမှာ လိမ်လည်သူများစွာသည် တရုတ်သို့ ထွက်ပြေးလွတ်မြောက်သွားပြီး လုပ်ငန်းများကို ပြစ်ဒဏ်မခံရဘဲ ဆက်လက်လုပ်ဆောင်နေခဲ့သည်။

တရားခံ ၈ ဦးကို ဖမ်းဆီးခြင်းမှ တစ်ဆင့် ၎င်းတို့သည် တရုတ်အက်ပ်လီကေးရှင်းများမှတစ်ဆင့် ချေးငွေများ ပေးရန် အကြောင်းပြ၍ လူများကို ငွေညှစ်ခဲ့ခြင်းဖြစ်ကြောင်း IFSO က စုံစမ်း သိရှိခဲ့ရသည်။

အဆိုပါ ဖမ်းဆီးခံရသူများသည် ယင်းအက်ပ်များပေါ်တွင် စုဆောင်းထားသော အချက်အလက်များဖြင့် ငွေချေးသူများကို အကျပ်ကိုင်လေ့ရှိသည်။