သပိတ်ကျင်းမြို့ စုပေါင်းရုံးနှင့် ရဲကင်းစခန်းအား TBK တောဆင်ရိုင်းပြောက်ကျားတပ်ဖွဲ့မှ ဒရုန်းဖြင့် ဗုံးခွဲ တိုက်ခိုက်

10 May 2022
သပိတ်ကျင်းမြို့ စုပေါင်းရုံးနှင့် ရဲကင်းစခန်းအား TBK တောဆင်ရိုင်းပြောက်ကျားတပ်ဖွဲ့မှ ဒရုန်းဖြင့် ဗုံးခွဲ တိုက်ခိုက်

သပိတ်ကျင်း၊ မေ ၁၀။

မန္တလေးတိုင်းဒေသကြီး သပိတ်ကျင်းမြို့ ကွက်သစ်ရပ်ကွက်ရှိ စုပေါင်းရုံးဝန်းအတွင်းသို့ ဒရုန်းဖြင့် ဗုံးသီးချ တိုက်ခိုက်ခဲ့ကြောင်း TBK တောဆင်ရိုင်းပြောက်ကျားတပ်ဖွဲ့၏ ထုတ်ပြန်ချက်အရ သိရသည်။

မေလ ၁၀ ရက် ယနေ့နံနက် ၈ နာရီဝန်းကျင်က စုပေါင်းရုံးဝန်းအတွင်းရှိ မြို့တော်ခန်းမနှင့် စည်ပင်ရုံး အနီးတွင် ပေါက်ကွဲခဲ့ခြင်းဖြစ်ကြောင်း သတင်းရင်းမြစ်တစ်ဦးက ဆိုသည်။

“ ဒီမနက် ၈ နာရီလောက်က အုံး ဆိုတဲ့အသံအကျယ်ကြီး ကြားလိုက်ရတာ။ အချိန်က နည်းနည်းစောနေ တော့ လူအထိအခိုက်ရှိမယ် မထင်ဘူး။ စည်ပင်ရုံးအဆောက်အဦးအမိုးတွေတော့ ပေါက်ထွက်ကုန်တယ်” ဟု အမည်မဖော်လိုသည့် မြို့ခံတစ်ဦးကပြောသည်။

“ စုစုပေါင်း ဗုံးသီး သုံးလုံးချတာ။ ပထမတစ်လုံးက စုပေါင်းရုံးထဲမှာချတာ ကွဲတယ်ဗျ။ မြို့မရဲကင်းစခန်းမှာ ချတဲ့နှစ်လုံးက ဗုံးသီး error တတ်ပြီး မကွဲလိုက်ဘူး” ဟု တောဆင်းရိုင်းပြောက်ကျားတပ်ဖွဲ့ဝင်တစ်ဦးက ဆိုသည်။

TBK တောဆင်ရိုင်းပြောက်ကျားတပ်ဖွဲ့အနေဖြင့် သပိတ်ကျင်းမြို့နယ်အတွင်းတွင် စစ်ရေးအရှိန်မြှင့် လုပ်ဆောင်သွားမည်ဟုလည်း တာဝန်ရှိသူတစ်ဦးက ဆိုသည်။

သပိတ်ကျင်းမြို့ပေါ်တွင် ယခုကဲ့သို့ ဒရုန်းဖြင့် ဗုံးသီးချတိုက်ခိုက်ခြင်းမှာ ပထမဆုံးအကြိမ်ဖြစ်ပြီး ပြီးခဲ့ သော ဧပြီလ ၁၆ ရက်နေ့ကလည်း ချောင်းကြီးရဲကင်းစခန်းအား TBK တောဆင်ရိုင်းပြောက်ကျားတပ်ဖွဲ့က

ဗုံးခွဲတိုက်ခိုက်ခဲ့သေးသည်။

#Mizzima

#သပိတ်ကျင်းမြို့နယ်

#TBKတောဆင်ရိုင်းပြောက်ကျားတပ်ဖွဲ့

#ဒရုန်း

#ဗုံးသီးချတိုက်ခိုက်

#CJ

နောက်ဆုံးရသတင်းတွေကို နေ့စဉ် အခမဲ့ဖတ်ရှုနိုင်ဖို့ သင့် အီးမေးလ်ကို ဒီနေရာမှာ စာရင်းသွင်းလိုက်ပါ။

* indicates required

Mizzima Weekly