ဧပြီ ၁၆
ရန်ကုန်တိုင်း၊ မြောက်ဥက္ကလာပမြို့နယ် (ခ)ရပ်ကွက်တွင် ယနေ့ဧပြီလ ၁၆ရက် မနက် ၈နာရီ ၃၅မိနစ်ခန့်က မြရတနာနှင့် တုဿီတာ လမ်းဆုံတွင် ဗုံး ပေါက်ကွဲမှု ဖြစ်ပွါးခဲ့သည်ဟု သိရသည်။
အဆိုပါနေရာတွင်ပင် ယမန်နေ့ည ၈နာရီနှင့် ၉နာရီကြားတွင် ဗုံးပေါက်ကွဲမှုနှစ်ကြိမ်တိုင်တိုင်ဖြစ်ပွားခဲ့သည် ဟုလည်း သိရသည်။
''မနေ့ညကတော့ သေချာတယ် သူတို့ပါသူတို့ဖောက်လိုက်တာ။အသံအကျယ်ကြီးနှစ်ကြိမ်ကြားရတယ်။စုံစမ်းကြည့်တော့ အိမ်စီးကားပေါ်ကနေအိတ်အမဲကို ပစ်ခဲ့တာ ကားခေါင်းပေါ်မှာ ယူနီဖောင်းဝတ်အရာရှိတစ်ဦးကိုလည်းတွေ့လိုက်တယ် ''ဟု အဆိုပါအနီးမှပြည်သူတစ်ဦးကဆိုသည်။
ယနေ့မနက်ပိုင်းတွင် မြရတနာနှင့် တုဿီတာ လမ်းဆုံ၌ ပုံမှန်စစ်ဆေးမှုများ ပြုလုပ်ရန်ပြင်ဆင်နေသည့် စစ်ကောင်စီတပ်သားများက ဗုံးတွေ့ရှိ၍ ထွက်ပြေးပြီးနောက် ဗုံးပေါက်ကွဲမှုဖြစ်ပွါးခြင်း လည်းဖြစ်သည်။