ဧရာဝတီတိုင်းဒေသကြီးတွင် မအူပင်ခရိုင်၌ ယာဉ်တိုက်မှု အများဆုံးဖြစ်ပွား

မအူပင်ခရိုင်တွင် ယာဉ်တိုက်မှု အများဆုံးဖြစ်ပွားကြောင်း ဧရာဝတီတိုင်းဒေသကြီးတိုင်းရဲတပ်ဖွဲ့မှူးရုံးက ဒုတိယရဲမှူးကြီးခင်မောင်လတ်က ပြောသည်။

 "ယာဉ်တိုက်မှုအဖြစ်များတာ မအူပင်ခရိုင်ပေါ့ ။ ဒုတိယက ပုသိမ်ခရိုင်ပါ၊ယာဉ်တိုက်မှု လျော့နည်းအောင်က နှစ်ပိုင်းဆောင်ရွက်တယ် ပညာပေးဟောပြောမှုနဲ့ စစ်ဆေးကြပ်မတ်တယ်ပိုင်းပေါ့ စစ်ဆေးကြပ်မတ်တယ်၊ အရေးယူတယ်။ စစ်ဆေးကြပ်မတ်တာတော့ မြို့နယ်တိုင်းမှာ မြို့ဝင်မြို့ထွက်တွေမှာ မြန်မာနိုင်ငံရဲတပ်ဖွဲ့ အရန်မီးသတ်တွေ သက်ဆိုင်ရာ ယာဉ်စည်းကမ်းထိန်းသိမ်းရေးအဖွဲ့တွေ အုပ်ချုပ်ရေးအဖွဲ့တွေနဲ့စစ်ဆေးတယ်။ စည်းကမ်းချက်နဲ့ မညီညွတ်ရင် အမှုဖွင့်ပြီး တရားရုံးကို တရားစွဲတင်ဆောင်ရွက်တယ်၊လိုင်စင် စတင် ထုတ်ပေးချိန်မှာ က.ည.နရုံးတွေမှာ ပညာပေးမှုတွေလုပ်ပါတယ် ။ ယာဉ်စည်းကမ်းလမ်းစည်းကမ်းတွေ အန္တရာယ်ကင်းသွားလာနိုင်အောင် ပညာပေးပါတယ်၊မှုခင်းပညာရေးလုပ်တဲ့ အခါမှာ ယာဉ်ထိန်းရဲတပ်ဖွဲ့ဝင်တွေ ပူးပေါင်းပြီး ကျောင်းတွေမှာ ကျေးရွာတွေမှာ အဖွဲ့အစည်းတွေမှာ ယာဉ်နှင့်ပတ်သက်ပြီး စည်းကမ်းလိုက်နာဖို့ အတွက် ယာဉ်စည်းကမ်းမလိုက်နာလို့ သေဆုံးခဲ့တယ်ဖြစ်ရပ်တွေ ဒဏ်ရာရတဲ့ဖြစ်ရပ်တွေကို ပြသ အသိပညာပေးပါတယ်” ဟု ဒုတိယရဲမှူးကြီးခင်မောင်လတ်ကပြောသည်။

 ဖေဖော်ဝါရီလ တွင် မအူပင်ခရိုင်တွင် ယာဉ်တိုက်မှု ၆၂မှုဖြစ်ပွားပြီး ဒဏ်ရာရသူ ၉၇ ဦးနှင့် သေဆုံးသူ ၈ ဦး ရှိပြီး၊ ပုသိမ်ခရိုင်တွင် ယာဉ်တိုက်မှု ၅၉ မှု၊ ဒဏ်ရာရသူ ၁၀၇ ဦးနှင့်သေဆုံးသူ ၁၂ဦး ရှိခဲ့သည်။ 

ရိုက်ကူး-စည်သူမောင်မောင်