ဘူးပင် စိုက်ပျိုးခြင်း

ဘူးပင်ရဲ့မူရင်းဒေသကတော့ အိန္ဒယနဲ့ အာဖရိကတိုက်ကပဲဖြစ်ပါတယ်။ အဓိကအားဖြင့် ဘူးသပိတ်၊ ဘူးလည်လှ၊ ဘူးရှည်စက၊ ဘူးရှည်၊ ဘူးရေမှုတ်နဲ့ ဘူးကျားဆိုပြီး (၆) မျိုးရှိပါတယ်။

ဘူးပင်ကတော့ ပူနွေးစိုစွတ်တဲ့ရာသီဥတုကို ကြိုက်နှစ်သက်ပြီး အအေးဒဏ်ကိုလဲခံနိုင်ပါတယ်။ ဘူးကို မြေအမျိုးအစားမရွေး စိုက်ပျိုးနိုင်ပေမယ့် မြေသြဇာထက်သန်တဲ့ နုန်းမြေတွေမှာဆိုရင်တော့ ကောင်းစွာဖြစ်ထွန်းပါတယ်။

ဘူးကို ထယ်ထိုးထွန်မွှေပြီး လယ်ယာသီးနှံလို စိုက်ပျိုးနိုင်ပေမယ့် စင်တင်ဥယျာဉ်ခြံစိုက်ပျိုးရေးစနစ်က အသီးနှုန်းကို ပိုမိုကောင်းစေမှာဖြစ်ပါတယ်။ ဘူးပင်ကိုတော့ တိုက်ရိုက်အစေ့ချ စိုက်ပျိုးနိုင်သလို အပင်ပေါက်ကို ပျိုးပြီးမှလဲ စိုက်ပျိုးနိုင်ပါတယ်။

ပျိုးခင်းမှာ ဘူးပင်ပေါက်လေးများ ပုံမှန်အရွက် ၃ရွှက် ၄ရွှက်ထွက်လာပြီဆိုရင်တော့ စိုက်ခင်းကို ပြောင်းရွှေ့စိုက်ပျိုးနိုင်မှာပဲဖြစ်ပါတယ်။ ဘူးပင်စိုက်ဘောင်များကို တစ်ဘောင်နဲ့တစ်ဘောင်ကို ၁၀ ပေ သို့မဟုတ် ၁၅ပေခြားပြီး ဘောင်အကျယ်ကတော့ ၆ပေရှိရမှာဖြစ်ပါတယ်။ ဘောင်တွေကတော့ အမြင့် ၈လက်မနဲ့ အနက် ၈ လက်မခန့်ရှိရမှာဖြစ်ပါတယ်။

ဘောင်ထဲကို နွားချေး၊ မြေဆွေး၊ သဲ၊ မြေသြဇာ စတာတွေ ထည့်ပြီး သမအောင် ရေစပ်ပြီး ထည့်ပေးရမှာဖြစ်ပါတယ်။ ၁ဧက ကိုနွားချေး ၁၀ စီးမှ အစီး၂၀၊ အမိုနီယမ်ဆာလဖိတ်ပေါင် ၁၀၀ ၊ တီဆူပါပေါင် ၂၅၀ ၊ ပိုတက်ပေါင် ၈၀ ခန့်ထည့်ပေးရမှာပဲဖြစ်ပါတယ်။

အပင်များကို တပင်နဲ့တပင် ၃ ပေမှ ၆ ပေအထိ ခွာပြီး စိုက်ပျိုးပေးရမှာဖြစ်ပါတယ်။ ဘောင်များပေါ်မှာ စင်ထိုးထားပေးရမှာဖြစ်ပြီး အပင်ငယ်လေးများ နှာမောင်းထွက်လာရင်တော့ ၀ါးကပ်လေးများ ထောင်ပေးပြီး စင်ပေါ်ကို တင်ပေးရမှာပဲဖြစ်ပါတယ်။ စင်ပေါ်ကို ရောက်ရှိပြီး ၃ပေ ၄ပေခန့် ရှည်လာပြီဆိုရင် ခေါင်နိုမ်ပေးခြင်းဖြင့် အတက်များစွာ ထွက်လာစေမှာပဲဖြစ်ပါတယ်။

စိုက်ပြီး ၃လကြာရင်တော့ အသီးများကို ခူးဆွတ်နိုင်မှာလဲဖြစ်ပါတယ်။ စိုက်စနစ်ကောင်းမွန်ရင်တော့ တပင်ကို အလုံး ၃၀ မှ ၅၀ အထိ ခူးဆွတ်နိုင်မှာပဲဖြစ်ပါတယ်။ အသီးများကို အလောတော်ရင့်တဲ့အချိန်မှာ ခူးဆွတ်ခြင်းက အသီနူန်းကို တိုးပွားစေမှာဖြစ်ပါတယ်။