ရင်းနှီးမြှုပ်နှံမှုများ အကာအကွယ်ပေးရေး စင်ကာပူ-မြန်မာ သဘောတူစာချုပ် ချုပ်ဆိုဖို့ရှိ

စင်ကာပူ၏ မြန်မာပြည်တွင်း ရင်းနှီးမြှုပ်နှံမှုများသည် နှစ်ပေါင်း ၃၀ အတွင်း အမေရိကန်ဒေါ်လာ ၁၇ ဘီလီယံကျော်တွင် ရှိနေကာ တရုတ်၏ ရင်းနှီးမြှုပ်နှံမှုများနောက်တွင် ဒုတိယ ရင်းနှီးမှုအများဆုံးနိုင်ငံအဖြစ် ရပ်တည်နေသည်။ ဆက်လက်ပြီး နှစ်နိုင်ငံရင်းနှီးမြှုပ်နှံမှုများ တိုးမြှင့်သွားရန် စင်ကာပူနှင့် မြန်မာ ၂ နိုင်ငံကြား ရင်းနှီးမြှုပ်နှံမှုများ တိုးမြှင့်ရန်နှင့် အကာအကွယ်ပေးရေးဆိုင်ရာ သဘောတူညီမှုစာချုပ်တစ်ရပ်ကို ချုပ်ဆိုသွားရန် ဆွေးနွေးညှိုနှိုင်းမှုများ ပြုလုပ်နေသည်ဟု မြန်မာနိုင်ငံရင်းနှီးမြှုပ်နှံမှုကော်မရှင် အတွင်းရေးမှူးဖြစ်သူ ဦးအောင်နိုင်ဦးက ပြောဆိုထားသည်။ ကိုအာကာက သတင်းပေးပို့ ထားပါတယ်။