ခိုင်ထူး ထွက်သွားတာကို ခွင့်မပြုနိုင်ဘူးဆိုတဲ့ တေးရေး ကိုနေဝင်း

“ခိုင်ထူး မင်းကိုသွားခွင့်မပြုနိုင်ဘူးကွာ တယောက်ပြီးတယောက် ငါ့ကိုထားသွားခဲ့ကြတယ် အခုတော့ မင်းပါငါ့ကိုထားသွားတော့မှာလား မင်းကခွင့်ပြုပါဦး ဆိုပေမယ့် ငါခွင့်မပြုနိုင်ဘူး။ It's hard to leave more hard to stay. ခိုင်ထူးကိုပြန်ပေးပါ... အဲ့လိုကြီးခေါ်သွားခွင့်မပြုနိုင်ဘူးကွာ ပြန်ပေးပြန်ပေး ပြန်ပေး ဘယ်လိုစကားမျိုးသုံးပြီး ပြောနိုင်မလဲကွာ” လို့ ဒီနေ့ညနေမှာ ဆုံးပါးသွားတဲ့ အဆိုတော် ခိုင်ထူးအတွက် တေးရေး ကိုနေဝင်းရဲ့ တမ်းတသံ ဖြစ်ပါတယ်။

ခိုင်ထူးမဆုံးခင် နာရီပိုင်းအလိုမှာ ခိုင်ထူးရဲ့ ထင်ရှားတဲ့ သီချင်းတစ်ပုဒ်ဖြစ်တဲ့ “မြတ်သောအကျင့်” ဆိုတဲ့ သီချင်းကို ကိုနေဝင်းက ရင်ဘတ်ကြီးနဲ့ ဆိုပြခဲ့တာ ဒီရုပ်သံမှာ တွေ့နိုင်ပါတယ်။

စတူဒီယိုခေတ်ဦးကနေ ယနေ့အချိန်ထိ ပရိတ်သတ်ကြားမှာ မှတ်မှတ်ရရပြောဆို နေကြရတဲ့ အဆိုတော်ခိုင်ထူး တစ်ယောက် သြဂုတ်လ ၉ရက် နေ့လည် ၃နာရီ ၂၄မိနစ်မှာ ရန်ကုန်မြို့၊ ပါရမီဆေးရုံမှာ ကွယ်လွန်အနိစ္စရောက်ခဲ့ပါပြီ။

သူကွယ်လွန်ချိန်မှာ  အသက် ၆၁ နှစ်ရှိနေခဲ့ပြီး ပန်ကရိယ ကင်ဆာနဲ့ ရန်ကုန်ကနေ ဘန်ဘောက်ကို ဆေးကုသဖို့သွားရောက်ခဲ့ပေမယ့် လက်လျှော့ခဲ့ရတာပါ။

ရွှေလည်တိုင်၊ စစ်ကိုင်းလမ်း၊ ခတ္တာ၊ နောက်ဆုံးအိပ်မက်၊ အဝေးဆုံး၊ အားလုံးကို ကျော်ဖြတ်ရမယ်၊ ဖိုးသာထူး သီချင်းတွေအပါအ၀င် ပရိသတ်အားပေးမှု အများကြီးရခဲ့တဲ့  အဆိုတော်ခိုင်ထူးဟာ ဂီတအသိုင်းအ၀ိုင်းနဲ့ သူ့ပရိသတ်တွေကို ခွဲခွာသွားခဲ့တာပါ။